15-قىركۇيەك كۇنگى اۋا رايى بولجامى

رەسپۋبليكانىڭ كەي جەرلەرىندە ەكپىندى جەل، داۋىل، بۇرشاق بولجانادى. تۇندە جانە تاڭعى ساعاتتاردا ەلىمىزدىڭ سولتۇستىك- باتىسىندا جانە قيىر سولتۇستىگىندە تۇمان كۇتىلەدى. قازاقستاننىڭ وڭتۇستىك- باتىسىندا عانا جاۋىن- شاشىنسىز كۇن رايى ساقتالادى، دەپ حابارلايدى قازاقپارات.

اتاپ ايتقاندا، «قازگيدرومەت» ر م ك مالىمەتىنشە، قوستاناي وبلىسىنىڭ كەي جەرلەرىندە تۇمان، داۋىل، بۇرشاق كۇتىلەدى، جەلدىڭ ەكپىنى كۇندىز 25 م/س كۇشەيەدى. اقمولا، سولتۇستىك قازاقستان وبلىستارىندا تاڭەرتەڭ جانە كۇندىز كەي جەرلەردە داۋىل تۇرىپ، جەلدىڭ كۇشى 25 م/س دەيىن ارتۋى مۇمكىن، بۇرشاق جاۋۋى ىقتيمال. سولتۇستىك قازاقستان وبلىسىندا تۇندە جانە تاڭەرتەڭ تۇمان كۇتىلەدى. قاراعاندى وبلىسىنىڭ كەي جەرلەرىندە داۋىل، بۇرشاق، كۇشى كۇندىز 23 م/س دەيىن جەتەتىن جەل بولجانادى. اقتوبە وبلىسىنىڭ كەي جەرلەرىندە داۋىل تۇرىپ، جەل 15-20 م/س كۇشەيەدى.

قىزىلوردا وبلىسىندا كۇندىز جەل 15-20، كەي جەرلەردە 23 م/س كۇشەيەدى، كەي جەرلەردە شاڭدى داۋىل كۇتىلەدى.

كۇندىز الماتى، تۇركىستان، اتىراۋ، باتىس قازاقستان، شىعىس قازاقستان وبلىستارىنىڭ كەي جەرلەرىندە، پاۆلودار وبلىسىنىڭ باتىسىندا جەل 15-20 م/س ارتادى.

جامبىل وبلىسىنىڭ تاۋلى اۋداندارىندا تاڭەرتەڭ جانە كۇندىز داۋىل كۇتىلەدى، بۇرشاق جاۋۋى ىقتيمال، كۇندىز كەي جەرلەردە جەل 15-20 م/س كۇشەيەدى.

قىزىلوردا وبلىسىنىڭ باسىم بولىگىندە، قاراعاندى، تۇركىستان وبلىستارىنىڭ كەي جەرلەرىندە، اتىراۋ وبلىسىنىڭ وڭتۇستىگىندە، الماتى وبلىسىنىڭ باتىسىندا توتەنشە ءورت قاۋپى ساقتالادى.