الماتىدا «كەزەكشى سىنىپتارعا» 15 مىڭ وقۋشى بارادى

«كەزەكشى سىنىپتارعا» شامامەن 15 مىڭ بالا كەلەدى دەپ ويلايمىز. ەگەر الماتىداعى بارلىق مەكتەپتەردى ەسەپكە الساق، ءار مەكتەپتە بۇل شامامەن 75 بالا بولادى. بۇل ورتاشا ەسەپپەن 5 سىنىپ. ارينە، وقۋشىلار سانى كوپ مەكتەپتەردە بۇل كورسەتكىش ودان دا جوعارى بولۋى مۇمكىن» ، - دەدى الماتى قالالىق ءبىلىم باسقارماسى باسشىسىنىڭ ورىنباسارى قايرات جۇمانوۆ.

سونىمەن قاتار، ول جەكەمەنشىك مەكتەپتەردە «كەزەكشىلىك سىنىپتاردى» اشۋعا بولاتىندىعىن اتاپ ءوتتى.

«الماتى قالاسىنداعى ەپيدەميولوگيالىق احۋال دەنساۋلىق ساقتاۋ باسقارماسى مەن سەس باقىلاۋىندا. بۇگىنگى تاڭدا جۇمىس ىستەيتىن اتا- انالاردان كەزەكشى سىنىپتارىن اشۋ تۋرالى وتىنىشتەر كوپتەپ تۇسۋدە. وسىعان بايلانىستى بارلىق ورتا مەكتەپتەردە 1-2 - سىنىپ وقۋشىلارىنا «كەزەكشى سىنىپ» اشۋ تۋرالى شەشىم قابىلداندى»، - دەدى الماتى قالالىق ءبىلىم باسقارماسى باسشىسىنىڭ ورىنباسارى قايرات جۇمانوۆ.

ارنايى تۇزەتۋ مەكتەپ- ينتەرناتتارىندا دا 1-دەن 4-كە دەيىنگى باستاۋىش سىنىپتار ءۇشىن شتاتتىق رەجيمدە جۇمىس ىستەۋگە رۇقسات ەتىلەدى.

اۆتور: الما مۇقانوۆا