ەلوردادا 15 جاسار بوزبالا قاتتى ماس بولىپ، اۋرۋحاناعا ءتۇستى

نۇر- سۇلتان. قازاقپارات - جاسوسپىرىمدەر ءىسى جونىندەگى پوليتسەيلەر جاسوسپىرىمدەردى ماس كۇيدە ۇستاپ الدى، دەپ حابارلايدى قازاقپارات نۇر- سۇلتان قالاسى پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

جاسوسپىرىمدەر دۇكەننەن ءبىر بوتەلكە اراق ساتىپ الىپ، سارى ارقا داڭعىلىنىڭ بويىندا ىشىمدىك ىشكەن. ولاردىڭ ءبىرى قاتتى ماس بولىپ، اۋرۋحاناعا تۇسكەن. 15 جاستاعى جاسوسپىرىم 0,5 ليتر اراق ىشكەننەن كەيىن جاعدايى ناشارلاعان.

«اتالعان فاكتى بويىنشا ينسپەكتورلار جاسوسپىرىمدەردى تەرگەپ، ولارمەن پروفيلاكتيكالىق اڭگىمەلە جۇرگىزدى. ولاردىڭ زاڭدى وكىلدەرىنە ق ر اكىمشىلىك قۇقىق بۇزۋ كودەكسىنىڭ 440-بابى بويىنشا 5 ا ە ك كولەمىندە ايىپپۇل سالىندى. تەرگەۋ بارىسىندا ولاردىڭ سپيرتتىك ىشىمدىكتى بىرلەسىپ ءىشۋ ءۇشىن دۇكەننەن ساتىپ العانى بەلگىلى بولدى»، - دەدى نۇر- سۇلتان قالاسى پوليتسيا دەپارتامەنتىنەن.

جاسوسپىرىمدەرگە الكوگولدىك ىشىمدىك ساتقان دۇكەن يەسىنە قاتىستى ق ر اكىمشىلىك قۇقىق بۇزۋ كودەكسىنىڭ 200-بابى بويىنشا حاتتاما تولتىرىلدى. جيناقتالعان ماتەريال نۇر- سۇلتان قالاسى مامانداندىرىلعان اۋدانارالىق اكىمشىلىك سوتىنا جىبەرىلدى.