قوجا احمەت ياساۋي كەسەنەسى 15 - ماۋسىمدا اشىلادى

تۇركىستان. قازاقپارات - تۇركىستانداعى قوجا احمەت ياساۋي كەسەنەسى 15- ماۋسىمدا اشىلادى. بۇل تۋرالى وبلىس اكىمى ءومىرزاق شوكەيەۆ الەۋمەتتىك جەلىدەگى پاراقشاسىندا جازدى، دەپ حابارلايدى قازاقپارات.

«15- ماۋسىمنان باستاپ قوجا احمەت ياساۋي كەسەنەسىن اشامىز. كارانتين جاعدايىنىڭ ۇزارۋىنا بايلانىستى نىسان جۇمىسىن ۋاقىتشا توقتاتقان بولاتىن. ەندى قالا قوناقتارى قاسيەتتى ورىنعا كەلىپ، زيارات ەتە الادى. سونىمەن قاتار، جاڭارعان قالانىڭ وزگەرىسىنە كۋا بولاسىزدار. تۋريستەر ءۇشىن كەسەنە رۋحاني ورتالىق رەتىندە قايتا جاڭعىرماق. باستىسى، قاۋىپسىزدىكتەرىڭىز ءۇشىن كارانتين تالاپتارىن قاتاڭ ساقتاۋلارىڭىزدى سۇرايمىن»، - دەدى ءومىرزاق شوكەيەۆ.

ايتا كەتەيىك، ەلىمىزدە قاۋىپتى ىندەتتىڭ تارالۋ قاۋپىنە بايلانىستى قوجا احمەت ياساۋي كەسەنەسى دە ۋاقىتشا جابىلعان بولاتىن.

اۆتور: اينۇر اقبايەۆا