قورعانىس مينيسترلىگى ارىستاعى جارىلىس تۋرالى: سنارياد 15 شاقىرىم جەرگە دەيىن قۇلاعان
«احۋالدى ۋشىقتىرعىم كەلمەيدى. ءبىراق، قازا تاپقاندار مەن تراگەديا اۋقىمى مۇنان دا ۇلكەن بولۋى ىقتيمال ەدى. جاعداي اتالعان وڭىردەگى ىستىق كليماتقا بايلانىستى دا كۇردەلەنە ءتۇستى»، - دەدى ول.
ونىڭ اتاپ وتۋىنشە، كەيبىر سناريادتار تىم ۇزاققا ۇشىپ كەتكەن. ءتىپتى ءبىر سناريادتىڭ 15 شاقىرىم جەرگە بارىپ قۇلاعانى دا انىقتالىپ وتىر. اسكەري ءورت ءسوندىرۋ كومانداسى ارسەنالداعى ورتپەن 1 تاۋلىك بويى كۇرەسىپ، جارالىستاردىڭ ودان ارى تارالۋىنا جول بەرگەن جوق.
«وق- ءدارى قۇلاعان جەرلەردىڭ بىردە- بىرىندە جارىلىس ورىن العان جوق. بۇل بارلىق وق- دارىلەردىڭ جارعىش بىلتەسىز ساقتالۋىمەن بايلانىستى بولىپ وتىر. جارعىش بىلە جەكە ساقتالادى. ولاردىڭ نەگىزگى ءبولىمى سول ارسەنالدىڭ وزىندە قالدى»، - دەدى قورعانىس ءمينيسترىنىڭ ورىنباسارى.
گەنەرالدىڭ اتاپ وتۋىنشە، رەسەي، تاجىكستان جانە ا ق ش- تان ساراپشىلار كەلىپ، ارىستا جۇرگىزىلگەن جۇمىستارعا باعا بەرگەن.
«ولار تاۋەلسىز باعالارىن بەردى. حالىقارالىق ساراپشىلار ونداعان مىڭ توننا وق- ءدارى جارىلعان كەزدە قالانىڭ بارىنشا از قيراۋى، ازاماتتىق تۇرعىندار اراسىندا قازا تاپقاندار سانىنىڭ بارىنشا از بولۋى الەمدىك تاجىريبەدەگى تەڭدەسسىز وقيعا ەكەندىگىن اتاپ ءوتتى. جارىلىس بارىسىندا ءبىر اسكەري قىزمەتشى ەمەس ازامات قايتىس بولدى. ارينە، ءبىز ءۇشىن ءاربىر ادام ءومىرى قىمبات»، - دەدى ول.
ەسكە سالا كەتسەك، ارىس قالاسىنداعى اسكەري ءبولىمنىڭ قويماسىندا 2019 -جىلى 24 - ماۋسىم كۇنى تاڭەرتەڭ جارىلىس بولدى. سالدارىنان ءۇش ادام قازا تاپتى - ارىس تۇرعىنى مەن ەكى اسكەري قىزمەتشى. 170-كە جۋىق ادام زارداپ شەكتى. 20-عا جۋىق ءۇي، 9 قورا- قوپسى جانىپ، دالالى اۋماقتا 14 وشاق تۇتاندى. ءۇي- جايلار مەن عيماراتتاردىڭ 80-90 پايىزىنا ءارتۇرلى دەڭگەيدە زاقىم كەلدى.
اۆتور: مارلان جيەمباي
