10:30, 18 - مامىر 2020 | GMT +5
تۇركيانىڭ 15 پروۆينتسياسىندا كومەندانتتىق ساعات ەنگىزىلدى
انكارا. انادولى-قازاقپارات - تۇركيانىڭ 15 پروۆينتسياسىندا ءتورت كۇندىك كومەندانتتىق ساعات ەنگىزىلدى، دەپ حابارلايدى قازاقپارات انادولى اگەنتتىگىنە سىلتەمە جاساپ.
بۇل شەشىمدى ەل پرەزيدەنتى رەدجەپ تايپ ەردوعان كوروناۆيرۋس ينفەكتسياسىمەن (COVID-19) كۇرەس شارالارى اياسىندا جاريالادى.
16- مامىردا باستالعان كومەندانتتىق ساعات انكارا، بىلكەسير، بۋرسا، ەسكيشەحير، گازيانتەپ، ىستانبۇل، يزمير، كايسەري، كودجاەلي، كونيا، مانيسا، ساكاريا، سامسۋن، ۆان جانە زونگۋلداگ پروۆينتسيالارىندا سەيسەنبى، 19- مامىردا ءتۇن ورتاسىنا دەيىن سوزىلادى.
ءى ءى م شەشىمى بويىنشا 16- جانە 17- مامىردا جوعارىدا كورسەتىلگەن پروۆينتسيالاردا سۋپەرماركەتتەر، ازىق-تۇلىك جانە ەت ساتاتىن دۇكەندەردىڭ، سونداي-اق ونلاين-ساتىلىممەن ساۋدا جاسايتىن كومپانيالاردىڭ جۇمىس ىستەۋىنە تىيىم سالىندى.
ال 18- جانە 19- مامىردا ازىق-تۇلىك جانە ەت ساتاتىن دۇكەندەر ساعات 10.00-16.00 ارالىعىندا جۇمىس ىستەيتىن بولادى.
