قازگيدرومەت ەلىمىزدىڭ 15 ءوڭىرىندا اۋا رايىنا ەسكەرتۋ جاريالادى
كاسىپورىن تاراتقان مالىمەتتەرگە قاراعاندا، نوسەر جاۋىنعا بايلانىستى تۇركىستان، جامبىل، الماتى وبلىستارىنىڭ تاۋلى اۋداندارىندا جانە الماتى قالاسىنا ىرگەلەس اۋماقتاردا بەتكەيلىك اعىننىڭ قالىپتاسۋى جانە وزەندەردەگى سۋدىڭ دەڭگەيى كوتەرىلۋى مۇمكىن. 15-مامىردا نۇر- سۇلتان قالاسىندا كۇن كۇركىرەپ، بۇرشاق جاۋۋى مۇمكىن.
تاڭەرتەڭ جانە كۇندىز وڭتۇستىك- باتىستان سوققان جەلدىڭ ەكپىنى سەكۋندىنا 17-22 مەتر بولادى.
اۋا رايى بولجامىنىڭ ىقتيمالدىلىعى %80-90. اقمولا وبلىسىنىڭ باسىم بولىگىندە جاڭبىر جاۋادى دەگەن بولجام بار. كەي جەرلەردە نايزاعاي ويناپ، داۋىل تۇرىپ، بۇرشاق جاۋۋى مۇمكىن. جەل وڭتۇستىك- باتىستان سولتۇستىك- باتىسقا قاراي سوعىپ، تۇندە كەي جەرلەردە سەكۋندىنا 15-20 مەتر، كۇندىز 15-20، كەي جەرلەردە سەكۋندىنا 23 مەتر بولادى.
الماتى قالاسىندا نوسەر جاۋىن، بۇرشاق جاۋىپ، جەل تۇرىپ، نايزاعاي ويناپ، جەلدىڭ ەكپىنى سەكۋندىنا 15 مەترگە جەتەدى. الماتى وبلىسىندا نوسەر جاۋىن، بۇرشاق جاۋىپ، نايزاعاي ويناپ، داۋىل سوعۋى مۇمكىن. نايزاعاي كەزىندە جەلدىڭ ەكپىنى سەكۋندىنا 17-22 مەترگە جەتەدى. شىمكەنت قالاسىندا نايزاعاي ويناپ، داۋىل سوعادى. نايزاعاي كەزىندەگى جەلدىڭ ەكپىنى سەكۋندىنا 15-20 مەترگە جەتەدى.
تۇركىستان وبلىسىندا نوسەر جاۋىن، بۇرشاق جاۋىپ، نايزاعاي ويناپ، نايزاعاي كەزىندە جەلدىڭ ەكپىنى سەكۋندىنا 15-20 مەتر بولادى. قىزىلوردا وبلىسىندا كەي جەرلەردە تۇمان ءتۇسىپ، كوكتايعاق بولىپ، جەلدىڭ ەكپىنى سەكۋندىنا 15-20 مەترگە جەتەدى.
قاراعاندى وبلىسىنىڭ كەي جەرلەرىندە كۇن كۇركىرەپ، جەل سەكۋندىنا 15-20 مەتر جىلدامدىقپەن ۇيتقيدى.
قوستاناي وبلىسىندا نوسەر جاۋىن، بۇرشاق جاۋىپ، نايزاعاي ويناپ، جەلدىڭ ەكپىنى سەكۋندىنا 15-20 مەترگە جەتەدى. پاۆلودار وبلىسىندا جەلدىڭ ەكپىنى سەكۋندىنا 15-20 مەترگە، كەي جەرلەردە 23 مەترگە جەتەدى.
سولتۇستىك قازاقستان وبلىسىندا جاڭبىر جاۋىپ، كەي جەرلەردە نوسەرلەتەدى. سونداي- اق نايزاعاي ويناپ، داۋىل تۇرىپ، بۇرشاق جاۋادى، جەلدىڭ ەكپىنى سەكۋندىنا 15-20 مەترگە جەتەدى. توتەنشە جاعدايلار كوميتەتى ازاماتتاردى اۋا رايىن باقىلاپ وتىرۋعا، اۋا رايىنا بايلانىستى ەسكەرتۋلەردى تىڭداپ، قاجەتتى ساقتىق شارالارىن ساقتاۋعا شاعىرادى.
«اۋا رايىنا بايلانىستى ەسكەرتۋلەردە جەلدىڭ ەكپىنى سەكۋندىنا 15-20 مەترگە، ءتىپتى سەكۋندىنا 30 مەترگە جەتۋى مۇمكىن ەكەندىگى ايتىلادى. وسىعان قاراي، ءارتۇرلى ەلدى مەكەندەردە قاۋىپسىزدىك تەحنيكاسى بويىنشا ەرەجەلەردى ساقتاۋعا شاقىرامىز. شاعىن قالالار مەن مەگاپوليستەردە داۋىل وتە قاۋىپتى»، - دەلىنگەن حابارلامادا.
وسى ورايدا توتەنشە جاعدايلار قىزمەتى تۇرعىنداردى ەسكەرتەدى:
تەرەزەلەر! قاتتى داۋىل كەزىندە ۇيدەگى نەمەسە پاتەردەگى بارلىق تەرەزەلەر مىقتى جابىلۋى ءتيىس. بالكوندار! شىنىلانباعان بالكوندار مەن لودجيالاردان قاتتى جەل كەزىندە سىرتقا ءتۇسۋى مۇمكىن بارلىق زاتتاردى (قۇمىرالار، بانكالار، جاشىكتەر، شولمەكتەر جانە ت. ب. ) الىپ تاستاۋ كەرەك. شىنىلانباعان بالكونداردان داۋىل كەزىندەگى رامالارمەن بىرگە ەسكى تەرەزەلەر ۇشىپ كەتكەن جاعدايلار بولدى.
كوشەدە! كوشەدە داۋىل تۇرعان كەزدە جارناما قالقاندارىنان (جانە باسقا دا اسپالى قۇرىلىمداردان)، اۆتوبۋس ايالدامالارىنان، ەلەكتر بەرۋ جەلىلەرىنەن، سونداي-اق اعاشتاردان مۇمكىندىگىنشە الىس ءجۇرىڭىز. اينالاڭىزعا قاراڭىز، ءوزىڭىزدى جان-جاعىڭىزداعى ادامدارعا قۇلاپ كەتۋى مۇمكىن زاتتاردى بايقاڭىز. قۇلاۋى مۇمكىن ۇزىلگەن سىمدار مەن سىرعيتىن زاتتارعا (اعاشتارعا) جاقىنداۋعا بولمايدى.
پانالاۋ! قاتتى جەل بولعان جاعدايدا جاقىن ماڭداعى عيماراتتان نەمەسە باسقا جەردەن ىق تاۋىپ، جەل سايابىرسىعانشا سايالاي تۇرۋ كەرەك.
ۇلكەن اعاشتار! ۇلكەن اعاشتاردىڭ استىنا اۆتوكولىك قويۋعا بولمايدى، ويتكەنى اعاش قۇلاعان كەزدە باسىپ قالۋى مۇمكىن. شىرىگەن جانە ەسكى، سونداي-اق جالعىز تۇرعان اعاشتار وتە قاۋىپتى. «ۇيدە قالىڭىزدار، ءوزىڭىزدى جانە جاقىندارىڭىزدى قورعاڭىزدار» - دەيدى ق ر ءى ءى م ت ج ك باسپا ءسوز قىزمەتى.
