21:05, 13 - مامىر 2020 | GMT +5
گەرمانيا مەن اۆستريا شەكارالارىن 15- ماۋسىمنان باستاپ اشۋعا نيەتتى
نۇر- سۇلتان. قازاقپارات - گەرمانيا مەن اۆستريا بيلىگى كوروناۆيرۋستىق پاندەمياعا بايلانىستى جابىلعان شەكارانى 15- ماۋسىمدا اشپاق.
اۆستريا باسپا ءسوزىنىڭ حابارلاۋىنشا، گەرمانيا كانسلەرى انگەلا مەركەل سەيسەنبىدە شەكارانى اشۋ جوسپارىن ۇسىندى. بۇگىن گەرمانيا مەن اۆستريا اراسىندا باۆاريا مەن جوعارعى اۆستريا شەكارالاس ايماقتارىنىڭ تۇرعىندارى ءۇشىن شاعىن شەكارالىق وتكەلدەر اشىلدى. الداعى ۋاقىتتا اۆستريانىڭ تيرول جانە زالتسبۋرگتەگى شەكارا بەكەتتەرى اشىلادى.
ايتا كەتسەك، اۆستريادا كوروناۆيرۋستىڭ تارالۋىمەن كۇرەسۋ ماقساتىندا ناۋرىز ايىندا سانيتارلىق جانە شەكارالىق باقىلاۋ ەنگىزىلدى.
www.24.kz
