ەلوردادا تەرگەۋشىگە پارا بەرگەن ايەل 15 جىلعا سوتتالۋى مۇمكىن
نۇر-سۇلتان. قازاقپارات - ەلوردادا تۇراتىن 56 جاستاعى ايەل وزىنە قاتىستى قىلمىستىق ءىستىڭ رەتىن وڭدى شەشۋ ءۇشىن تەرگەۋشىگە 100 مىڭ تەڭگە پارا بەرمەك بولعان، دەپ حابارلايدى قازاقپارات ءتىلشىسى.
«نۇر-سۇلتان قالالىق پوليتسيا دەپارتامەنتىنىڭ وزىندىك قاۋىپسىزدىك باسقارماسىنا ەسىل اۋداندىق پوليتسيا باسقارماسىنىڭ تەرگەۋشىسى جۇگىنىپ، قىلمىستىق ءىس بويىنشا ءوتىپ جاتقان فيگۋرانتتاردىڭ بىرىنەن 100 مىڭ تەڭگە كولەمىندە اقشا اۋدارىلعانىن ءمالىم ەتتى. جەدەل-تەرگەۋ امالدارىن جۇرگىزۋ ناتيجەسىندە، سونداي-اق جەمقورلىق قىلمىسى تۋرالى دەر كەزىندە ەسكەرتكەن تەرگەۋشىنىڭ ادالدىعىنىڭ ارقاسىندا، اۋدارىلعان اقشا قايتارىلعاننان كەيىن پوليتسيا باسقارماسىنىڭ عيماراتىندا نۇر-سۇلتان قالاسىنىڭ 56 جاستاعى ايەل تۇرعىنى ۇستالدى. ول قىلمىستىق ءىستىڭ وڭدى شەشىلۋى ءۇشىن اتالمىش سومانى پارا رەتىندە اۋدارعان»، - دەپ حابارلايدى قالالىق پوليتسيا دەپارتامەنتىنەن.
قازىر وسى وقيعا بويىنشا ق ر قىلمىستىق كودەكسىنىڭ 367-بابى 1-بولىگى بويىنشا سوتقا دەيىنگى تەرگەۋ امالدارى جۇرگىزىلىپ جاتىر.
قالالىق پوليتسيا دەپارتامەنتى پارا بەرۋ 3 جىلدان 15 جىلعا دەيىن باس بوستاندىعىنان ايىرۋعا اكەپ سوقتىرۋى مۇمكىندىگىن ەسكەرتەدى.
«وسىعان بايلانىستى ازاماتتاردى ىشكى ىستەر ورگاندارىمەن قاتىسى بار جۇمىستا قۇقىققا قايشى ارەكەتتەرگە بارماۋعا شاقىرامىز. ال لاۋازىمدى تۇلعا تاراپىنان پارا بوپسالاۋ فاكتىلەرى بولعان جاعدايدا بەيبىتشىلىك، 19-مەكەنجايىندا ورنالاسقان نۇر-سۇلتان قالالىق پوليتسيا دەپارتامەنتىنىڭ وزىندىك قاۋىپسىزدىك باسقارماسىنا نەمەسە 87021279818 تەلەفون نومىرىنە (اقپاراتتىڭ قۇپيالىلىعىنا كەپىلدىك بەرىلەدى) حابارلاسۋ قاجەت»، - دەلىنگەن حابارلامادا.
