ەلدىڭ باسىم بولىگىندە 15- اقپاندا كۇن اشىق بولادى
اتموسفەرالىق اعىنداردىڭ وتۋىنە بايلانىستى وڭتۇستىك-شىعىسىندا نوسەر جاڭبىر جاۋۋى ىقتيمال. كەي وڭىرلەردە تۇمان ءتۇسىپ، كوكتايعاق، بۇرقاسىن بولادى، جەل كۇشەيەدى، دەپ حابارلايدى قازگيدرومەت.
جامبىل وبلىسىنىڭ كەي جەرلەرىندە قاتتى جاۋىن-شاشىن، تۇمان، كوكتايعاق، جاياۋ بۇرقاسىن كۇتىلەدى، جەل 15-20، ەكپىنى 23 م/س كۇشەيەدى.
تۇركىستان وبلىسىنىڭ كەي جەرلەرىندە تۇمان تۇسەدى، كوكتايعاق، جەلدىڭ جىلدامدىعى 15-20 م/س جەتەدى.
الماتى وبلىسىندا تۇندە جانە تاڭەرتەڭ كەي جەرلەردە تۇمان كۇتىلەدى، جالاڭاشكول اۋدانىندا جەل 20-25، ەكپىنى 30 م/س كۇشەيەدى.
قىزىلوردا وبلىسىنىڭ كەي جەرلەرىندە تۇمان، كوكتايعاق، تۇندە جەلدىڭ جىلدامدىعى 15-20 م/س جەتەدى.
باتىس قازاقستان وبلىسىندا كەي جەرلەردە بۇرقاسىن، تۇمان ءتۇسۋى ىقتيمال، كۇندىز جەل 15-20 م/س كۇشەيەدى.
ماڭعىستاۋ وبلىسىنىڭ كەي جەرلەرىندە تۇمان، كوكتايعاق بولادى.
اتىراۋ، قوستاناي، سولتۇستىك قازاقستان، پاۆلودار، شىعىس قازاقستان، تۇندە اقمولا، قاراعاندى وبلىستارىندا كەي جەرلەردە تۇمان تۇسەدى.