ترامپ ا ق ش- مەكسيكا شەكاراسىنا 15 مىڭ اسكەر اتتاندىرادى
اق ءۇي باسشىسى سالۆادوردان شىققان تاعى ءبىر ميگرانتتار كوشى جايلى الاڭداۋشىلىق ءبىلدىردى. دونالد ترامپتىڭ پىكىرىنشە بوسقىندار ا ق ش- تىڭ ۇلتتىق قاۋىپسىزدىگىنە قاتەر توندىرەدى. قورعانىس ءمينيسترى دجەيمس مەتتيس ميگرانتتاردىڭ كوشىن توقتاتۋعا 7 مىڭ اسكەريدىڭ ساقاداي ساي وتىرعانىن مالىمدەدى. جانە بۇل سايلاۋ الدىنداعى پيار- ناۋقان دەگەن اڭگىمەنى جوققا شىعاردى.
ايتا كەتەيىك، ا ق ش تاريحىندا شەكارا قورعاۋعا كاسىپقوي اسكەريلەردى تارتۋ بۇرىن سوڭدى بولماعان. بۇعان دەيىن شەكاراشىلارعا كومەكتەسۋ ءۇشىن ۇلتتىق گۆارديا مەن رەزەرۆتە تۇرعان اسكەرلەر عانا شاقىرىلعان.
دونالد ترامپ، ا ق ش پرەزيدەنتى:
- ا ق ش اۋماعىنا ەشكىم دە كىرمەيدى. وعان رۇقسات بەرمەيمىز. وسىدان ەكى كۇن بۇرىن مەكسيكادا نە بولعانىن كوردىڭىزدەر. ميگرانتتار كوشى باس كوتەرىپ، نارازىلىق شاراسىن ۇيىمداستىردى. ال ەندى سالۆادوردا تاعى ءبىر كوش قۇرىلىپ جاتقان كورىنەدى. سول سەبەپتى بۇل ەلدەرگە قارجىلاي كومەكتى دوعارۋدى جوسپارلاپ وتىرمىز. ولار امەريكا حالقى ءۇشىن ەشتەڭە دە جاساپ جاتقان جوق.
www.24.kz