قازاقستاندا جاس جۇپتاردىڭ 15 پايىزى بەدەۋلىكتەن زارداپ شەگىپ جاتىر
ستاتيستيكالىق مالىمەتتەرگە قاراعاندا، ءاربىر التىنشى جۇپ بالا كوتەرە الماي ءجۇر، - دەپ حابارلايدى جاربوسىنوۆ اتىنداعى ۋرولوگيا عىلىمي ورتالىعىنىڭ ماماندارى.
«جاعىمسىز تەندەنسيالاردىڭ ءبىرى - جاستار اراسىنداعى بەدەۋلىك پروبلەماسى. ەۋروپاداعى ۋرولوگتار اسسوتسياتسياسىنىڭ مالىمەتتەرىنە سايكەس، وتباسىلىق جۇپتاردىڭ شامامەن 25 پايىزى ءبىر جىل ۋاقىت بويى بالا كوتەرە المايدى. ولاردىڭ 15 پايىزى بەدەۋلىكتەن ەمدەلگەن جاعدايدا، شامامەن 5 پايىزى سول كۇيى بالا كوتەرمەيدى. ءاربىر التىنشى جۇپتا وسى پروبلەما بار»، - دەيدى عىلىمي ورتالىقتىڭ وكىلدەرى.
ايتۋلارىنشا، بەدەۋلىككە جۇپتاردىڭ ءبىرىنىڭ نەمەسە ەكەۋىنىڭ دە رەپرودۋكتيۆ فۋنكسياسىنىڭ بۇزىلۋى سەبەپ بولۋى مۇمكىن.
قازاقستاندىق مامانداردىڭ سوزىنە سۇيەنسەك، بۇرىن وتباسىلىق جۇپتاردىڭ اراسىنداعى بەدەۋلىككە كوبىنە ايەلدەر سەبەپشى بولىپ جاتسا، بۇگىندە مۇنداي جاعدايدىڭ 45 پايىزى ەرلەردەن دەپ ايتۋعا بولادى. بۇل پروبلەمانى شەشۋ ءۇشىن كەشەندى جۇمىس جۇرگىزۋ كەرەك: ۋرولوگتارمەن، اندرولوگتارمەن جانە رەپرودۋكتولوگتارمەن.
