قازاقستان التىننىڭ قورى بويىنشا الەمدە 15-ورىندا تۇر
ق ر ۇلتتىق بانكى تاراتقان اقپارات بويىنشا، 2018 -جىلدىڭ باسىنان بەرى التىننىڭ الەمدىك بيرجالارداعى باعا بەلگىلەنىمى شامامەن % 8- عا تومەندەدى. ا ق ش فرج مولشەرلەمەلەرىنىڭ ءوسۋى جانە ا ق ش ەكونوميكاسى بويىنشا وڭ دەرەكتەردىڭ شىعۋى ناتيجەسىندە ا ق ش دوللارى نىعايعانى بەلگىلى. بۇل جاعداي التىن باعاسىنىڭ تومەندەۋىنە نەگىز بولدى.
«الايدا، ءبىرقاتار ەلدەرگە قارسى ەكونوميكالىق سانكسيالاردان جانە ساۋدا شەكتەۋلەرىنەن تۋىنداعان كۇردەلى گەوساياسي جاعداي نارىقتاردى قۇبىلتىپ، ينۆەستورلاردىڭ نەعۇرلىم قاۋىپسىز اكتيۆ ىزدەستىرۋىنە ىقپال ەتەدى. ەكونوميكالىق جانە ساياسي تۇراقسىزدىق جاعدايىندا ۆاليۋتا نارىعى دا، باعالى قاعازدار نارىعى دا قۇبىلمالى بولادى، مىنە، سودان قورعانىش رەتىندە التىن مەن باعالى مەتالداردىڭ ءرولى ارتادى. ورتالىق بانكتەر التىنىنىڭ قورلارى ۇزاق مەرزىمدى پەرسپەكتيۆادا ساقتالۋ، ءوتىمدى بولۋ جانە كىرىستى بولۋ سيپاتتارى بار ساقتاندىرۋ اكتيۆتەرى رەتىندە بولادى» دەلىنگەن حابارلامادا.
الەمدىك ورتالىق بانكتەردىڭ التىننىڭ ناقتى كولەمىن ارتتىرۋدى تەزدەتۋ پروتسەسى داعدارىستان كەيىنگى 2009 -جىلى باستالدى. سوڭعى 5 جىلدا التىنمەن جيناقتالعان رەزەرۆتەر كوپتەگەن دامۋشى ەلدەردە بايقالادى. وسى كەزەڭدە التىندى نەعۇرلىم بەلسەندى ساتىپ الۋشىلار رەسەي، تۇركيا، قىتاي جانە قازاقستان ورتالىق بانكتەرى بولدى.
