قازاقستاندا 15 -ناۋرىز كۇنى وتەتىن ماڭىزدى شارالارعا شولۋ
استانا
ساعات 09:30 «اقبۇلاق» قوناق ۇيىندە «قانسونار» اڭشىلاردىڭ قوعامدىق بىرلەستىگى مەن اڭشىلىق- شارۋاشىلىق سۋبەكتىلەرى رەسپۋبليكالىق قاۋىمداستىعىنىڭ كەڭەيتىلگەن جيىنى باستالادى.
ساعات 10:00-دا Grand Park Esil قوناق ۇيىندە ورتالىق سايلاۋ كوميسسياسى قازاقستانداعى ە ق ى ۇ كەڭسەسىمەن بىرلەسە دوڭگەلەك ۇستەل وتكىزەدى. شارا بارىسىندا مۇمكىندىگى شەكتەۋلى جانداردىڭ سايلاۋ قۇقىقتارىن جۇزەگە اسىرۋ ماسەلەلەرى قارالماق.
سونىمەن قاتار وسى ۋاقىتتا وزبەكستان دەلەگاتسياسى ۇلتتىق ونكولوگيا جانە ترانسپلانتولوگيا عىلىمي ورتالىعىنا بارىپ، وسى سالاداعى قازاقستاننىڭ تاجىريبەسىمەن تانىسادى.
ساعات 10:00-دا ق ر كاسىپوداقتار فەدەراتسياسىندا «ەڭبەك نارىعى: الەمدىك ءۇردىس، پروبلەمالار مەن پەرسپەكتيۆالار» اتتى عىلىمي- تاجىريبەلىك كونفەرەنسيا ۇيىمداستىرىلادى. وسى ورايدا «پرەزيدەنتتىڭ بەس الەۋمەتتىك باستامالارى» اياسىندا قامتىلعان نەگىزگى باسىمدىقتار تۇسىندىرىلمەك.
ساعات 11:00-دە كەزىندە سەناتتا رەسپۋبليكالىق بيۋدجەتتىڭ جوباسى بويىنشا ەسەپ كوميتەتىنىڭ الدىن الا ەسەبىنە ارنالعان دوڭگەلەك ۇستەل وتىرىسى وتەدى.
ساعات 11:00-دە نازاربايەۆ ۋنيۆەرسيتەتىندە «كوشباسشى بول!» جوباسى اياسىندا رەسپۋبليكالىق «جاڭعىرۋ جولى» جاستار قوزعالىسىنىڭ قۇرىلتاي كونفەرەنسياسى وتەدى.
ساعات 12:00-دە ۇكىمەت ۇيىندە ق ر ءبىلىم جانە عىلىم ۆيتسە-ءمينيسترى بيبىگۇل اسىلوۆانىڭ قاتىسۋىمەن باسپا ءسوز ءماسليحاتى ۇيىمداستىرىلادى.
ساعات 15:00-دە اقوردادا ورتالىق ازيا مەملەكەت باسشىلارىنىڭ كەزدەسۋى وتەدى.
ساعات 18:00-دە «استانا وپەرا» مەملەكەتتىك وپەرا جانە بالەت تەاترىندا قازاقستاندا وزبەكستان جىلىنىڭ اشىلۋىنا ارنالعان كونسەرت بولادى.
الماتى
ساعات 10:00-دا «1س» VII فورۋمى ۇيىمداستىرىلادى. شارا بارىسىندا سالىق زاڭناماسىنداعى تۇزەتۋلەر مەن جاڭاشىلدىقتار تالقىلانادى. فورۋم الاڭى ەلىمىزدەگى بۋحالتەرلىك جانە سالىقتىق ەسەپ ماماندارىن، قارجى ديرەكتورلارىن جانە اۋديتورلاردى قامتىماق.
ساعات 10:00-دا مەملەكەتتىك قۋىرشاق تەاترىندا «قۋىرشاقتار شاقىرادى-2018» فەستيۆالىنە ارنالعان باسپا ءسوز ءماسليحاتى بولادى.
ساعات 11:00-دە ق ر ۇلتتىق كىتاپحاناسىندا رەجيسسەر، قازاقستاننىڭ حالىق ءارتىسى رايىمبەك سەيتمەتوۆتىڭ 80 جىلدىعىنا وراي ەسكە الۋ كەشى وتەدى.
سولتۇستىك قازاقستان وبلىسى
ساعات 11:00-دە. وڭىرلىك كوممۋنيكاتسيالار قىزمەتىندە بريفينگ وتەدى. وعان س ق و قوعامدىق دەنساۋلىقتى ساقتاۋ دەپارتامەنتىنىڭ باسشىسى سەرىكباي قاسماقاسوۆ قاتىسادى دەپ كۇتىلۋدە. شارا بارىسىندا ول ساپاسىز ازىق-تۇلىكتىڭ انىقتالۋى جاعدايى بويىنشا مالىمەت بەرەدى.
وڭتۇستىك قازاقستان وبلىسى
ساعات 14:00-دە. شىمكەنت ستانساسىنىڭ تەمىرجول ۆوكزالىندا ءورت- تاكتيكالىق وقۋ-جاتتىعۋى وتكىزىلەدى. بۇل جاتتىعۋدىڭ تاقىرىبى ادامدار كوپتەپ جينالاتىن ورىنداردا ادامداردى قۇتقارۋ جانە قاۋىپسىز ايماققا شىعارۋ داعدىلارىن ماشىقتاۋعا ارنالعان.
اقتوبە وبلىسى
ساعات 11:00-دە اقتوبە وبلىسىنىڭ وڭىرلىك كوممۋنيكاتسيالار قىزمەتى الاڭىندا «اقتوبەگە جاقىن ماڭايداعى اۋداننىڭ كەلەشەگى: العا اۋدانىنىڭ دامۋىنىڭ جاڭا مۇمكىندىكتەرى» تاقىرىبىندا باسپا ءسوز- كونفەرەنتسياسى وتەدى.
شىعىس قازاقستان وبلىسى
ساعات 11:30-دا ش ق و قوعامدىق كەڭەسىندە ءبىرقاتار ماسەلەلەر بويىنشا قوعامدىق تىڭداۋلار ۇيىمداستىرىلادى.
