كوكشەتاۋدا 15 جىل جوندەۋ كورمەگەن كوشە جاڭارتىلادى
كەزدەسۋدە، ايماق باسشىسىنا كوكشەتاۋ قالاسىندا كۇردەلى جوندەۋ جۇمىستارى جۇرگىزىلەتىن كوشەلەردىڭ قۇرىلىس جوبالارى تانىستىرىلدى. قالا اكىمى ەرمەك مارجىقپايەۆتىڭ ايتۋىنا قاراعاندا، بيىلعى جازدا «كوكشەتاۋ- زەرەندى» كۇرە جولىنان باستاپ جايلاۋ ىقشام اۋدانىنا دەيىنگى 1,8 شاقىرىم كوشەگە جوندەۋ جۇمىستارىن جۇرگىزۋ جوسپارلانىپ وتىر.
ۆاۆيلوۆ كوشەسى 15 جىلدان بەرى جوندەۋ كورمەگەن. ءتىپتى، بۇرىندارى اسفالتتا توسەلمەگەن ەكەن. ەكى جىلعا ارنالاعان جوبانى 2018 -جىلى باستاپ، 2019 -جىل اياقتاۋ جوسپارلانعان. مۇندا ءۇش جولاقتى 1853 شاقىرىم تاس توسەلەتىن بولادى. سونىمەن قاتار، باعدارشام، ايالدامالار ورناتىلىپ، جول جيەگىندە سۋاعارلار، كولىك تۇراقتارى سالىنىپ، گۇلزارلار وتىرعىزىلىپ، كوشە تولىعىمەن جارىقتاندىرىلادى. وسى ماڭداعى ءۇش كوشەنىڭ قيىلىسقان جەرىندە باعدارشامدار مەن جاياۋ جۇرگىنشىلەر جولى دا بولادى.
جوبانى تالقىلاۋعا وسى كوشەنىڭ بويىنداعى جەكەمەنشىك ۇيلەردە تۇراتىن تۇرعىندار دا قاتىستى. بەلسەندى توپتىڭ جەتەكشىسى سابىرجان دۇيسەنوۆ كوگالداندىرۋ جۇمىستارىنا تۇرعىنداردا اتسالىساتىنىن اتاپ ءوتتى.
