پحەنچحان وليمپياداسى: نورۆەگيالىقتارعا قاتەلىكپەن 15 مىڭ جۇمىرتقا جىبەرىلگەن

استانا. قازاقپارات - پحەنچحاندا نورۆەگيانىڭ وليمپيادالىق قۇراماسىنىڭ اسپازشىلارى شاتاسىپ 15 مىڭ جۇمىرتقاعا تاپسىرىس بەرگەن.

بۇل تۋرالى NRA - نورۆەگيالىق حابار تاراتۋ كورپوراتسياسى جازدى.

اتاپ وتىلگەندەي، بۇعان تاپسىرىس بەرۋ كەزىندە Google اۋدارماشىدا جىبەرىلگەن قاتەلىك سەبەپ بولعان. نەگىزىندە اسپازدار اتلەتتەر ءۇشىن جالپى 1,5 مىڭ جۇمىرتقا ساتىپ العىسى كەلگەن.

اسپازشىلاردىڭ ايتۋىنشا، تاپسىرىس بەرىلگەن جۇمىرتقا جەتكىزىلگەن كەزدە ولار تاڭ-تاماشا بولعان.

ولار امالىن تاۋىپ 13,5 مىڭ جۇمىرتقانى قايتارا العان. پحەنچحانداعى وليمپيادا ويىندارىندا نورۆەگيا قۇراماسىنىڭ اس مازىرىندە وملەتتەر، قۋىرىلعان جانە قايناتىلعان جۇمىرتقالار، ىستالعان ارقان بالىق قوسىلعان قۋىرىلعان جۇمىرتقا تاعامدارى بار.