كۋبانىڭ 15 ديپلوماتى ا ق ش- تان ەلىنە قايتارىلادى
بۇل تۋرالى مەملەكەتتىك دەپارتامەنتتىڭ باسشىسى رەكس تيللەرسوننىڭ مالىمدەمەسىندە ايتىلعان، دەپ حابارلايدى قازاقپارات انادولى اگەنتتىگىنە سىلتەمە جاساپ.
تيللەرسوننىڭ سوزىنشە، مۇنداي شەشىم كۋبا بيلىگىنىڭ امەريكالىق ديپلوماتتاردى ءوز ەلىندە قورعاي الماۋىنا قاتىستى قابىلدانعان. اتالمىش شەشىم جونىندە كۋبا تاراپى حاباردار ەتىلدى.
مالىمدەمەگە سايكەس، ۆاشينگتون كۋباداعى ءوز ديپلوماتتارىنىڭ سانىن قىسقارتىپ، بارلىق قىزمەتشىلەر وتباسىلارمەن بىرگە قايتا ورالدى.
«ا ق ش كۋبامەن ديپلوماتيالىق قارىم-قاتىناستى ۇستانۋدى جالعاستىرۋدا»، - دەلىنگەن قۇجاتتا.
ايتا كەتەيىك، كۋباداعى امەريكالىق ديپميسسيانىڭ 22 قىزمەتكەرى قۇلاق ىشىندەگى اۋىرسىنۋ، ەستۋ قابىلەتىنىڭ جويىلۋى سىندى سيمپتومداردى سەزىنگەن. ا ق ش مەملەكەتتىك دەپارتامەنتىنىڭ پايىمىنشا، گاۆاناداعى امەريكالىق ەلشىلىكتىڭ ءبىرقاتار قىزمەتكەرىنە ارنايى قۇرىلعىلاردىڭ كومەگىمەن اكۋستيكالىق شابۋىل جاسالعان.
