فرانسۋز حيرۋرگتارى 15 جىل بويى ميى «ءولى» كۇيدە جاتقان ەر ادامدى وياتتى

بۇل تۋرالى New Scientist حابارلايدى.
باس ميىنىڭ جارتى شارى «ولگەن» ەمدەلۋشىگە ءبىرقاتار ماڭىزدى نەيرونداردى بايلانىستىراتىن ەلەكترلى ىنتالاندىرۋ جاسالعان. ادامنىڭ مۇنداي جاعدايعا ءتۇسۋى جۇرەك توقتاۋىنا بايلانىستى وتتەگى جەتىسپەۋىنەن نەمەسە مي جاراقاتىنان بولادى.
دارىگەرلەر توبى كەزبە جۇيكەسىنىڭ ىنتالانۋى ميدىڭ وي-ساناعا جاۋاپتى اۋماعىندا بەلسەندىلىك تۋدىرادى دەپ بولجاعان. كەزبە جۇيكەميدى باس ورگاندارىمەن، مويىنمەن، كەۋدەمەن بايلانىستىرادى. ول جۇرەك بۇلشىق ەتىن قاداعالاپ، بەلسەندىلىكتى ارتتىرادى.
ماماندار كەزبە جۇيكەنى ەلەكترودپەن بايلانىستىرعان. يمپلانتاتسيادان كەيىن ءبىر اي وتكەن سوڭ دارىگەرلەر 0,25 ميلليامپەرلىك كۇشى بار ەلەكتر توگىمەن ىنتالاندىرۋ جىبەرۋدى باستايدى. ءار جىبەرۋدىڭ ۇزاقتىعى 30 سەكۋندتى قۇراعان. تاجىريبە التى ايعا سوزىلادى. ەمدەلۋشىنىڭ ميى پوزيتروندى-ەميسسيوندى توموگرافيا ارقىلى باقىلاۋدا بولعان.
ناتيجەسىندە ەر ادام كوزىن ءجيى اشىپ، بولمە ىشىنە كوز سالىپ، ادامداردىڭ وتىنىشتەرىنە نازار اۋدارا باستاعان. ول سوسىن كۇلۋگە دە تالپىنعان.