الماتى تۇرعىنى ايدىڭ كۇننىڭ امانىندا 15 ميلليون تەڭگەسىنەن ايىرىلىپ قالدى - فوتو

استانا. قازاقپارات - الماتىدا كۇندىزگى ۋاقىتتا ەكى جىگىت بانك بولىمشەسىنەن شىققان ەكى ادامدى توناپ كەتتى.

ەر ادام مەن كەلىنشەك 15 ميلليون تەڭگەنى بانكتەن ەندى الىپ شىعا بەرگەندە، ۇرىلارعا تاپ بولدى. بۇل تۋرالى NUR. KZ پورتالى Zakon.kz سايتىنا سىلتەمە جاساپ حابارلايدى.

وقىس جاعداي بوستاندىق اۋدانىندا ساعات 14:10 دا بولعان. فيرمادا جۇمىس ىستەيتىن بۋحالتەر ايەل مەن ونىڭ ارىپتەسى روزىباكيەۆ كوشەسىندەگى «قازكوم» بانكىنە كەلەدى. 15 ميلليون 670 مىڭ تەڭگەنى بانكتەن العان ولار ۇرىلارعا تاپ بولعان.



ەۋروپالىق كەلبەتتەگى ەكى جىگىت كولىگىنە مىنبەك بولعان زارداپ شەگۋشىلەرگە باس سالىپ، اقشالارىنا جارماسىپتى. ەر ادامدى بەتىنەن ءبىر ۇرىپ، جاعىن سىندىرعان. ال ايەلدى جەرگە قۇلاتىپتى.

سودان كەيىن قىلمىسكەرلەر ءىزىن جاسىرىپ، جارتى جولدا ۇستىندەگى كۇرتەشەلەردى شەشىپ كەتكەن.

زارداپ شەگۋشىلەر اقشانى الۋعا بارا جاتقانىن تەك بانك قىزمەتكەرلەرى، كومپانيا باسشىسى مەن وزدەرى بىلگەنىن العا تارتتى. زارداپ شەككەن ازامات ەمحاناعا جەتكىزىلدى.