قازاقستان اعىمداعى جىلى 15 توننا تازارتىلعان التىن وندىرەدى
بۇل جايىندا بۇگىن ق ر ينۆەستيتسيالار جانە دامۋ مينيسترلىگىنىڭ يندۋستريالىق دامۋ جانە ونەركاسىپتىك قاۋىپسىزدىك كوميتەتى ءتوراعاسىنىڭ مىندەتىن اتقارۋشى تيمۋر نۇراشەۆ ءمالىم ەتتى، دەپ حابارلايدى قازاقپارات.
«تاۋ-كەن التىن» ج ش س 2016-جىلدى 18,8 پايىزدىق وندىرىستىك وسىممەن اياقتادى. 2015-جىلى كاسىپورىن 10,1 توننا التىن وندىرسە، 2016-جىلعى كورسەتكىش 12 تونناعا جەتتى.
ءبىزدىڭ الدىمىزدا 2017-جىلى كەمىندە 15 توننا تازارتىلعان التىن ءوندىرۋ مىندەتى تۇر. بۇل LondonGoodDelivery مارتەبەسىن الۋعا مۇمكىندىك بەرەدى»، - دەدى ول.
ونىڭ اتاپ وتۋىنشە، 2015-جىلى زاۋىت ۆاكۋۋمدى تازارتۋ نەگىزىندە التىن، كۇمىس جانە باسقا دا مەتالل قوسپالارىن قىشقىلسىز ءبولۋ تەحنولوگيالىق جەلىسىن ىسكە قوسقان.
ناتيجەسىندە ول زاۋىت جۇمىس ىستەگەن العاشقى جىلدارمەن سالىستىرعاندا تازارتۋ جۇمىستارىنىڭ وزىندىك قۇنىن 40 پايىزعا تومەندەتۋگە مۇمكىندىك بەرگەن.
«زاۋىتتى ودان ارى دامىتۋ بارىسىندا بارىنشا جوعارى وڭدەلگەن ونىمدەر شىعارۋ كوزدەلەدى. اتاپ ايتقاندا، زەرگەرلىك جانە تەحنيكالىق بۇيىمدارعا ارنالعان ءونىم دايىندالادى»، - دەدى نۇراشەۆ.
اۆتور: مارلان جيەمباي
