الماتىداعى ۇلتتىق قاۋىپسىزدىك كوميتەتىنىڭ وپەراتسياسى: 15 ادام تۇتقىندالدى

استانا. قازاقپارات - 13-24- قاڭتار ارالىعىندا ۇلتتىق قاۋىپسىزدىك كوميتەتى ىشكى ىستەر ورگاندارىمەن بىرلەسىپ الماتى قالاسىندا جانە الماتى وبلىسى اۋداندارىندا ارنايى وپەراتسيا سەرياسىن جۇرگىزدى، دەپ حابارلايدى ق ر ۇ ق ك باسپا ءسوز قىزمەتى.

2 راديكالدىق توپ جانە ءدىني-ەكسترەميستىك يدەولوگيا ۇستانعان 6 ادامنىڭ قىزمەتى توقتاتىلدى.

تەرروريزمدى ناسيحاتتاۋعا، تەررورلىق اكتىگە قاتىسۋعا دايىندىق، ءدىني الاۋىزدىق تۋدىرۋ، زاڭسىز قارۋ ساقتاۋعا قاتىسى بار 15 ادام تۇتقىندالدى. تۇرعىلىقتى جەرلەردى ءتىنتۋ كەزىندە 5 گراناتا، حالىقارالىق تەررورلىق ۇيىمداردىڭ بەلگىسى، ءدىني مازمۇنداعى كىتاپتار، ەلەكتروندىق اقپارات تاسىعىشتار تابىلدى.

تەرگەۋ ارەكەتى جالعاسۋدا. كورسەتىلگەن شارالاردى ىسكە اسىرۋ ۋنيۆەرسيادا وتكىزۋ ۋاقىتىندا قاۋىپسىزدىكتىڭ ءتيىستى دەڭگەيىن قامتاماسىز ەتۋگە ىقپال ەتتى.