استانا پروتسەسىنە 15 كە جۋىق سيريالىق وپپوزيتسيا قاتىسادى

استانا. قازاقپارات - استانا پروتسەسىنە 15 كە جۋىق سيريالىق وپپوزيتسيا قاتىسادى.
None
None

بۇل تۋرالى بۇگىن «قازمەديا» ورتالىعىندا وتكەن باسپا ءسوز ءماسليحاتىندا ق ر سىرتقى ىستەر ءمينيسترىنىڭ ورىنباسارى رومان ۆاسيلەنكو ءمالىم ەتتى، دەپ حابارلايدى قازاقپارات.

«دەلەگاتسيا باسشىلارىنا قاتىستى ايتار بولسام، سيريانىڭ ۇكىمەتتىك دەلەگاتسياسىن ب ۇ ۇ جانىنداعى وسى ەلدىڭ تۇراقتى وكىلى باسار ال-دجافاري باسقارادى. سيريالىق وپپوزيتسيا دەلەگاتسياسىندا شامامەن 15 وپپوزيتسيالىق توپتىڭ وكىلى بار. استانا كەلىسسوزدەرىنىڭ كەپىلگەر ەلدەرى دە جوعارى دەڭگەيدە كەلىپ وتىر. رەسەي دەلەگاتسياسىنا رف پرەزيدەنتىنىڭ سيريالىق رەتتەۋ ماسەلەلەرى جونىندەگى ارناۋلى وكىلى الەكساندر لاۆرەنتەۆ باسشىلىق جاسايدى. تۇرىك جانە يران دەلەگاتسيالارىنىڭ باسشىلارى اتالعان مەملەكەتتەردىڭ سىرتقى ىستەر مينيسترلەرىنىڭ ورىنباسارلارى - سەدات ونال مەن سادەك حۋسەين دجابەري انساري»، - دەدى ۆاسيلەنكو.

س ءى م ورىنباسارىنىڭ ايتۋىنشا، سيريالىق داعدارىستى رەتتەۋ پروتسەسى ءۇشىن استانا كەلىسسوزدەرىنىڭ ماڭىزدى ەكەندىگىن ب ۇ ۇ باس حاتشىسىنىڭ سيريا جونىندەگى ارناۋلى وكىلى ستاففان دە ميستۋرانىڭ قاتىسۋى دا بىلدىرەدى. ال ا ق ش دەلەگاتسياسىن وسى ەلدىڭ قازاقستانداعى ەلشىسى دجورد كرول باسقارادى.

«ا ق ش اتىنان نەلىكتەن ەلشى قاتىسۋدا؟ مەنىڭشە، بۇل فاكتىدەن قانداي دا ءبىر تەرىس جايت قاراستىرۋدىڭ قاجەتى جوق. قاڭتار ايىنىڭ باسىندا ەندىگى ۋاقىتتى ا ق ش- تىڭ بۇرىنعى مەملەكەتتىك حاتشىسىنا اينالعان دجون كەرري ا ق ش- تىڭ استانا كەلىسسوزدەرىن قولدايتىندىعىن مالىمدەگەن بولاتىن. بۇعان قوسا، رەسەي، تۇركيا جانە يرانعا قاراعاندا ا ق ش بۇل كەلىسسوزدەردىڭ باستاماشىسى بولىپ سانالمايتىندىعىن دا ەسكەرۋ قاجەت. سوندىقتان دا وسى فاكتىگە وراي امەريكالىق دەلەگاتسيا دەڭگەيى قالىپتاسىپ وتىر. دەگەنمەن، ەلشى كرول سىندى تاجىريبەلى ديپلوماتتىڭ بىلىكتىلىگىنە ەشكىم دە شەك كەلتىرە الماس دەپ ويلايمىن»، - دەدى ول.

 

سوڭعى جاڭالىقتار