بەلگيانىڭ اتوم ەلەكتر ستانساسىندا وتكەن جىلى 15 وقيعا تىركەلدى
مەكەمەنىڭ حابارلاۋىنشا، INES يادرولىق وقيعالاردىڭ جەتىبالدىق حالىقارالىق باعانى بويىنشا بارلىق وقيعالار ءبىرىنشى دەڭگەيدەگى اقاۋلار (سالدارى جوق تەحنيكالىق سەبەپتەر) رەتىندە باعالاندى.
بۇل رەتتە، وتكەن جىلدارمەن سالىستىرعاندا وقىس وقيعالاردىڭ ازايعانى اتاپ وتىلۋدە. 2015 -جىلى ەلدە 16 وقيعا تىركەلگەن، ونىڭ ەكەۋى ەكىنشى دەڭگەيلى اقاۋ (قاۋىپسىزدىكتى قامتاماسىز ەتۋ شارالارى ەلەۋلى تۇردە بۇزىلعان وقيعالار) رەتىندە بەلگىلەندى، 2014 -جىلى - 18 وقيعا (تورتەۋى ەكىنشى دەڭگەيلى)، 2013 -جىلى - 18 جانە 2012 -جىلى 16 فاكتى (ەكەۋى ەكىنشى دەڭگەيلى) بولعان.
اتاپ وتكەن ءجون، اتوم ەلەكتر ستانسالارىنداعى يادرولىق وقيعالاردى باعالاۋ ءۇشىن (INES - International Nuclear Event Scale) يادرولىق وقيعالاردىڭ حالىقارالىق باعانى قولدانىلادى. INES باعانىندا جەتى دەڭگەي بار. بىردەن ءۇشىنشى دەڭگەيگە دەيىن - وقيعالار، ودان جوعارىلار اپاتتار بولىپ سانالادى. بۇگىنگى كۇنگە دەيىن ەكى وقيعا عانا جەتىنشى دەڭگەيلى اپاتتار رەتىندە تىركەلدى: 1986 -جىلى ۋكراينانىڭ چەرنوبىل ا ە س- ىندە بولعان اپات جانە 2011 -جىلى جاپونيانىڭ فۋكۋسيما ا ە س- ىندەگى اپات.
