سوت «تىڭشىلىق جاساعان» 15 ادامدى ءولىم جازاسىنا كەستى

سوتتىڭ 6- جەلتوقسانداعى ۇكىمىمەن تاعى 15 ادام التى ايدان 25 جىلعا دەيىنگى مەرزىمگە سوتتالدى. ەكى سوتتالۋشى اقتالدى.

سوتتالعاندارعا «يران بارلاۋ قىزمەتىمەن ىنتىماقتاسا وتىرىپ تىڭشىلىق توپ قۇردى»، «يرانعا ساۋديالىق اسكەريلەر تۋرالى قۇپيا اقپارات بەردى»، «شيتتەر باسىم تۇراتىن اۋدانداردا تارتىپسىزدىكتەردى قولدادى» دەگەن ايىپتار تاعىلعان.

يران سىرتقى ىستەر مينيسترلىگىنىڭ باسپا ءسوز حاتشىسى باحرام گاسەمي ساۋد ارابياسىندا يراننىڭ پايداسىنا تىڭشىلىق جاسالدى دەگەن مالىمدەمەنى جوققا شىعاردى.

Amnesty International حالىقارالىق ۇيىمى بۇل ۇكىمدى «ءادىل سوتتى كەلەمەجدەۋ جانە ادام قۇقىعىن ورەسكەل تۇردە بۇزۋ» دەپ اتادى.