ەلوردا اكىمدىگى استانانىڭ جاسىل بەلدەۋىنە قوسىمشا 15 مىڭ گەكتارعا جۋىق جەر ءبولدى - فوتو
بۇل تۋرالى بۇگىن ەلوردانىڭ جاسىل بەلدەۋىن دامىتۋ جۇمىستارىمەن تانىستىرعان «استانا ورمانى» ج ش س- ءنىڭ ديرەكتورى ماۋلەن سامامبەتوۆ ايتتى.
«قازىرگى ۋاقىتتا استانانىڭ جاسىل بەلدەۋىن دامىتۋدى 2 كەزەڭگە بولۋگە بولادى. ءبىرىنشى كەزەڭى 1998-2004-جىلدارى ارالىعىن قامتىعان ەدى. العاشقى كەزەڭدە نەگىزىنەن قىلقان جاپىراقتى اعاشتار وتىرعىزىلدى. بۇگىندە استانانىڭ جاسىل بەلدەۋىنىڭ جالپى اۋماعى 14827 گەكتاردى قۇرايدى. 2009-جىلى قازاقستان پرەزيدەنتى نۇرسۇلتان نازاربايەۆ كەزەكتى مارتە جاسىل بەلدەۋگە كەلگەنىندە مۇنى تۇتاس ورمان القابىنا اينالدىرۋ تۋرالى تاپسىرما بەرگەن ەدى. وسى ساتتەن باستاپ ەكىنشى كەزەڭ باستالدى»، - دەدى ول.
ج ش س ديرەكتورىنىڭ ايتۋىنشا، ەلوردانىڭ جاسىل بەلدەۋىن جۇزەگە اسىرۋ 6 ساتىعا بولىنگەن. 2012-2016-جىلدارى جوبانىڭ 1,5 جانە 3 مىڭ گەكتاردى قۇرايتىن 2 ساتىسى تولىققاندى جۇزەگە اسىرىلدى. وسى ۋاقىت ارالىعىندا 1 ميلليون 846 مىڭ ءتۇپ اعاش وتىرعىزىلدى. ونىڭ 56 پايىزى قىلقاندى جاپىراقتى، ال قالعان 44 پايىزى جاي اعاشتاردى قۇرايدى.
«2017-جىلدان باستاپ ءبىز جوبانىڭ 3- ساتىسىن جۇزەگە اسىرا باستايمىز. ەڭ ءبىرىنشى كەزەكتە اۋەجاي اۋماعىنداعى 459 گەكتار ۋچاسكەنى يگەرۋ قولعا الىنىپ، ونداعى جۇمىستار ەكى جىلعا سوزىلادى. ال قالعان ساتىلارى قازىرگى ۋاقىتتا جوبالانۋدا. جالپى، 2030-جىلعا دەيىن بۇل جۇمىستار تولىعىمەن ورىندالادى. ايتا كەتەرلىگى، استانا قالاسىنىڭ اكىمدىگى بىزگە قوسىمشا 14827 گەكتار جەر بولمەك. قازىرگى ۋاقىتتا ونىڭ 8500 گەكتارى بەرىلدى. دەمەك، 1-2-جىلدان كەيىن ءبىزدىڭ بەلدەۋدىڭ اۋماعى شامامەن 32 مىڭ گەكتارعا جەتەدى»، - دەدى م. سامامبەتوۆ.
سونىمەن قاتار ونىڭ اتاپ وتۋىنشە، استانا جاسىل بەلدەۋى اۋماعىندا ۆەلوسيپەدپەن سەرۋەندەۋگە ارنالعان جول سالۋ جۇمىستارى 2 كەزەڭگە بولىنگەن. 2011-جىلى ۇزىندىعى 4127 مەتردى قۇرايتىن جول پايدالانۋعا بەرىلگەن. قازىرگى ۋاقىتتا 2 كەزەڭى اياقتالۋعا جاقىن. قۇرىلىس جۇمىستارى وسى ايدىڭ سوڭىندا اياقتالعاننان كەيىن ۆەلوسيپەدپەن سەرۋەندەۋگە ارنالعان جولدىڭ ۇزاقتىعى 19127 مەتردى قۇرايتىن بولادى. بۇل جول قورعالجىڭ جانە قاراوتكەل تاس جولدارىن جالعاستىرادى.
ايتا كەتەرلىگى، بۇگىن استانا جاسىل بەلدەۋىنىڭ دامۋ بارىسىن ەلوردالىق جۋرناليستەرگە تانىستىرۋ بارىسىندا ورمانعا 200 قىرعاۋىل جىبەرىلدى. جالپى، بۇگىندە بۇل ورمانعا شامامەن 8 مىڭ قىرعاۋىل جىبەرىلگەن.
