ءابدىروۆ اتىنداعى ق ر اسكەري-اۋە كۇشتەرىنىڭ اۆيابازاسىنا 15 جىل تولدى - فوتو

استانا. قازاقپارات - قاراعاندى قالاسىنداعى كەڭەس وداعىنىڭ باتىرى نۇركەن ءابدىروۆ اتىنداعى اسكەري-اۋە كۇشتەرىنىڭ 50185 اسكەري ءبولىمى ءوزىنىڭ 15 جىلدىق مەرەيتويىن اتاپ ءوتتى.

اسكەري ءبولىم كومانديرى پولكوۆنيك ەرمەك ساپاروۆ جەكە قۇرامدى وسىناۋ اتاۋلى كۇنمەن قۇتتىقتادى. «2016-جىل - ءبولىم ءۇشىن مۇشەلتوي بولىپ سانالادى. بۇل ۋاقىت ماڭىزدى كۇندەلىكتى قىزمەتپەن، ۇشۋلاردىڭ ساپالى قامتاماسىز ەتىلۋىمەن، اۆياتسيالىق پاركتىڭ جاۋىنگەرلىك ءازىر جاي-كۇيدە ۇستالۋىمەن تولى بولدى. وسى كەزەڭ ىشىندە بىرنەشە جۇزدەگەن وفيتسەرلەر مەن كەلىسىمشارت بويىنشا اسكەري قىزمەتشىلەر بولىمىمىزدەگى ارميالىق قىزمەتتىڭ كۇردەلى ءارى قۇرمەتتى مەكتەبىنەن ءوتتى»، - دەپ كوماندير اتاپ ءوتتى.

اتالعان ءبولىم «شەپ»، «سارىارقا»، «دالا قىرانى»، «جەتىسۋ»، «ءوزارا ءىس-قيمىل»، «بەيبىت ميسسيا» دوستاستىق مەملەكەتتەردىڭ بىرلەسكەن ءىرى اۋقىمدى سىندى ءارتۇرلى اۋقىمداعى حالىقارالىق جانە مەملەكەتتىك ءىس-شارالارعا، سونداي-اق، وتان قورعاۋشى كۇنىن مەرەكەلەۋگە وراي اسكەري پارادتارعا بەلسەنە اتسالىساتىنىن ايتا كەتەيىك. بۇگىندە بولىمدە جوعارى دەڭگەيدە دايىندالعان كادرلىق وفيتسەرلەر، كەلىسىمشارت بويىنشا اسكەري قىزمەتشىلەر، باتىل ءارى وجەت ۇشقىشتار مەن شتۋرماندار، ينجەنەرلىك-تەحنيكالىق قۇرامداعى، بايلانىس جانە تىلدىڭ جوعارى كاسىبي ماماندارى جانە بارلىعىندا دا ورتاق ەرەكشەلىك - قازاقستاننىڭ حالقىنا، كونستيتۋتسيالىق جانە اسكەري بورىشىنا ادال بولۋ.