14:54, 27 - تامىز 2016 | GMT +5
استانادا جاس جىگىت 15- قاباتتان سەكىرىپ كەتتى
استانا. قازاقپارات - استانادا جاس جىگىت 15- قاباتتان سەكىرىپ كەتتى. بۇل اقپاراتتى Facebook الەۋمەتتىك جەلىسىندە وقيعا كۋاگەرلەرى حابارلاۋدا.

«قازىر عانا ءبىزدىڭ ءۇيدىڭ 15 قاباتىنان جاس جىگىت سەكىرىپ كەتتى. ايەل كۇيەۋىن ۇستاپ قالا المادى. توتەنشە جاعدايلار مەن جەدەل جاردەم اۋلاداعى كولىكتەردىڭ كەسىرىنەن ءۇي كىرە بەرىسىنە جەتە المادى»، - دەپ جازدى Facebook پايدالانۋشى ماححابات ەسەن.
ايتا كەتەرلىگى، بۇل قايعىلى وقيعاعا بايلانىستى رەسمي اقپارات استانا قالالىق ىشكى ىستەر دەپارتامەنتىندە جوق. بەيرەسمي اقپاراتقا قاراعاندا، جاس جىگىت شاكارىم قۇدايبەردى ۇلى كوشەسىندەگى «ءال فارابي» تۇرعىن ءۇي كەشەنىنەن سەكىرگەن.
اۆتور: مارلان جيەمباي