التى ساۋساقتى 15 جاستاعى تەننيسشى جاسوسپىرىمدەر اراسىنداعى سىننىڭ ەكىنشى اينالىمىنا ءوتتى
ول جاسوسپىرىمدەر اراسىنداعى تۋرنيردىڭ ەكىنشى اينالىمىنا ءوتىپ، جەڭىلدى. ءقازىر دجونس جۇپتىق كەزەڭدە ونەر كورسەتۋدە.
فرانچەسكا دجونس سيرەك كەزدەسەتىن اۋرۋمەن - ەكتودەرمالدى ديسپلازيامەن دۇنيەگە كەلدى. بۇل دەرتتەن زارداپ شەگەتىندەردە اياق- قولدارىنىڭ دامۋىندا پروبلەمالار بار. تەننيسشىنىڭ وڭ قولىندا ءتورت ساۋساق، سول قولىندا ەكەۋ جانە ۇزىندىعى كىشىرەك تاعى ەكى ساۋساعى بار. فرانچەسكانىڭ وڭ اياعىندا ءۇش بارماق بار. ۋيمبلدون سىنىنا دەيىن قىزدىڭ بىلەگىنە ءۇش وتا جاسالعان.
«دەرتتىڭ مەنىڭ تەننيسپەن شۇعىلدانۋىما كەدەرگى كەلتىرۋىنە جول بەرمەيمىن. كوپ ادام ماعان راكەتكانى دۇرىس ۇستامايتىنىمدى ايتادى، الايدا بۇل سوزدەر مەنى كەرىسىنشە جىگەرلەندىرە تۇسەدى»، - دەگەن فرانچەسكانىڭ سوزدەرىن كەلتىرەدى The Guardian.
دجونس اعىلشىندىق برەدفوردتا دۇنيەگە كەلدى. بالالىق شاعىنىڭ باسىم بولىگىن اۋرۋحانالاردا وتكىزگەن. فرانچەسكا تەننيسپەن التى جاسىنان باستاپ اينالىسادى.