پياز تۋراعاندا كوزدەن جاس اعىزبايتىن قاراپايىم 15 ءادىس - فوتو
پياز تۋراۋدىڭ الدىندا پىشاقتى سۋىق سۋعا سالىپ قويىڭىز. 
نەمەسە پيازدى تۋراپ جاتقاندا پىشاقتى سۋىق سۋعا سالىپ وتىرىڭىز. پيازدىڭ ءوزىن دە تۋراماي تۇرىپ سۋىق سۋعا سالىپ قويساڭىز بولادى.
توڭازىتقىش پەن مۇزداتقىش
پيازدى تۋراماي تۇرىپ مۇزداتقىشقا ءبىر ساعاتقا سالىپ قويىڭىز. نەمەسە پىشاعىڭىزدى 15 مينۋتقا توڭازىتقىشقا سالساڭىز بولادى.
ىستىق سۋ
پيازدى تۋراپ جاتقاندا جانىڭىزعا ىستىق سۋ قويىپ قويىڭىز. ىستىق سۋدىڭ بۋى كوز جاسىن اعىزاتىن زاتتاردى جويىپ جىبەرەدى. نەمەسە پيازدى ۇلكەن ەتىپ كەسىپ الىڭىز دا، ىستىق سۋعا سالىپ الىڭىز. وسىدان كەيىن پيازدى ەركىن تۋراي بەرۋگە بولادى.
اۋىزعا سۋ تولتىرۋ
پياز تۋراۋ الدىندا اۋزىڭىزعا سۋ تولتىرىپ الىڭىز. پياز تۋراپ بىتكەنشە، سۋدى تۇكىرمەڭىز.
پەترۋشكا مەن ساعىز
پياز تۋراپ بولعانشا، پەترۋشكا نەمەسە ساعىز شايناپ تۇرىڭىز. ولار كوز جاسىن اعىزاتىن زاتتاردىڭ كۇشىن جويىپ جىبەرەدى.
جەلدەتكىش
جانىڭىزعا جەلدەتكىش قويىپ قويىڭىز. پيازدى گازدىڭ سورعىش قۇرالىنىڭ الدىندا تۋراۋعا بولادى. سوندا جەل ەكپىنى پيازدان بولىنەتىن زاتتاردى ءسىزدىڭ كوزىڭىزگە جەتكىزەي ۇشىرىپ جىبەرەدى.
شىراق نەمەسە گاز
پيازدى جانىپ تۇرعان شىراق نەمەسە گازدىڭ جانىندا تۋراڭىز. سوندا وت جالىنى پيازدان بولىنەتىن زاتتاردى ءسىزدىڭ كوزىڭىزگە جەتكىزەي ۇشىرىپ جىبەرەدى.
سىركە سۋى
پياز تۋرايتىن تاقتايدى سىركە سۋىمەن ءسۇرتىپ الىڭىز. ناتيجەسىندە سىركە سۋى پيازدان بولىنەتىن زاتتاردى ءولتىرىپ تاستايدى.
تۇز
پياز تۋرايتىن تاقتايىڭىزعا تۇز سەۋىپ قويىڭىز. بۇل دا پيازدان بولىنەتىن زاتتاردى جويىپ جىبەرەدى.
ليمون
ليمونمەن دە ءدال وسى ءادىس جاساۋعا بولادى. تاقتايدى ليمون شىرىنىمەن ءسۇرتىپ الساڭىز، ول پياز قۇرامىنداعى زاتتاردى جويادى.
پىشاق
پياز تۋراۋعا پىشاقتىڭ دا اسەرى بار. سوندىقتان ادەتتە ءتىسى جوق، وتكىر پىشاقتاردى قولدانعان دۇرىس.
دۇرىس تىنىس الۋ
پياز تۋراعاندا مۇرىنمەن ەمەس، اۋىزبەن تىنىس الىڭىز. وسىلايشا پيازدان بولىنگەن زاتتار مۇرىنعا بارماي، كوز جاسىنىڭ اعۋىن تەجەيدى.
سۋعا تۇسۋگە ارنالعان كوزىلدىرىك
كوزىڭىزدى سۋعا تۇسۋگە ارنالعان كوزىلدىرىك تاعىپ الىڭىز. وسىلايشا پيازدى ەركىن تۋراۋىڭىزعا بولادى.
اس ءۇي كومباينى
پياز تۋراۋدىڭ ەڭ وڭاي ءادىسى. الايدا، كومبايننىڭ تاباعى تولىقتاي جابىق بولۋى كەرەك.
كوك جۋا
پيازدىڭ ورنىنا كوك جۋانى قولدانىڭىز. ەكى پيازدىڭ دا ءدامى تاماققا قوسقاندا بىردەي بولادى.
Stan.kz
