21:05, 18 - مامىر 2016 | GMT +5
ماسكەۋ تۇبىندە زەينەتكەر 15 جىل بۇرىن ءوزى تاپقان گراناتادان كوز جۇمدى
استانا. قازاقپارات - ماسكەۋ تۇبىندە زەينەتكەر 15 جىل بۇرىن ءوزى تاپقان گراناتانىڭ جارىلۋىنان مەرت بولدى.
ر ف ت ك- نىڭ ماسكەۋ وبلىسى بويىنشا باس تەرگەۋ باسقارماسىنان ت ا س س اگەنتتىگىنە حابارلاعانداي، جارىلىس سارسەنبى كۇنى ەگوريەۆ اۋدانىنداعى گورشكوۆو كەنتىندە ورنالاسقان جەكەمەنشىك تۇرعىن ۇيلەردىڭ ءبىرىنىڭ اۋماعىندا بولدى.
«جارىلىس سالدارىنان ءۇيدىڭ يەسى - 64 جاستاعى زەينەتكەر باسى مەن قولىنىڭ اۋىر جاراقاتتارى سالدارىنان كوز جۇمدى. تەرگەۋ مالىمەتتەرىنشە، ەر ادامنىڭ دەنەسىن ءۇيىنىڭ اۋلاسىندا زايىبى تاپقان. ونىڭ ايتۋىنشا، 15 جىلداي ۋاقىت بۇرىن ونىڭ جۇبايى گراناتا تاۋىپ العانىن ايتىپ بەرگەن كورىنەدى. الايدا، ايەل كۇيەۋىنىڭ ونى قايدا ساقتاعانىن بىلمەگەن»، - دەپ حابارلادى م ت ب- دان.
