الماتىلىق ساياحاتشى 15 جىل بەلگىسىز تىرشىلىك يەسىن زەرتتەپ كەلەدى
دەپ حابارلادى 24.kz.
ساياحاتشى عالىممەن كەزدەسۋ بارىسىندا قار ادامى جايلى تىرنەكتەپ جيناعان قۇندى ماتەريالدارىن تاپسىردى. زەرتتەۋشىلەردىڭ پىكىرىنشە، بەلگىسىز تىرشىلىك يەسى الەمدەگى ادام اياعى تيمەگەن جەرلەردە ءومىر سۇرەدى. سونداي- اق، ول تاڭعالارلىق جايت ەمەس. تەك تۇرعىندار ساق بولۋى كەرەك.
- قىركۇيەكتە تاۋ باسىنا العاشقى قار تۇسەدى. سول كەزدە توپ بولىپ شاتىر قۇردىق. وندا بىرنەشە ادام جاتتى. ال مەن گيدرولوگتارعا ارنالعان ۇيشىكتە تۇنەدىم. تاڭعى ساعات 05.00 شاماسىندا جۇرگەن ادامنىڭ قوزعالىسى مەن دەم العان دىبىسىن سەزدىم. ايۋ شىعار دەپ ويلادىم. بىردەن پالاتكالارعا قارادىم. ەشكىم ويانباعان. كەيىن الاڭقايعا قاراسام، تۇسىنىكسىز بەينە الشاڭ باسىپ بارادى. جۇگىرگەن جوق. كەيىن كوزدەن عايىپ بولدى، - دەدى ورتالىق ازيا نۇسقاۋشىلار قاۋىمداستىعىنىڭ پرەزيدەنتى اندرەي يۋشكوۆ.
ەسكە سالا كەتەيىك، بىرنەشە جىل بۇرىن الپينيستەر ونى الماتى وبلىسىنىڭ تاۋلى ايماعىندا بايقاعان بولاتىن. سونداي- اق، سەمەيلىك عالىمدار دا جابايى ادامنىڭ بولۋى مۇمكىن ەكەنىن جوققا شىعارمايدى.
