قوس اياعىنان ايرىلعان قىتايلىق دارىگەر 15 جىلدان بەرى اۋىل ارالاپ ادام ەمدەيدى - فوتو

استانا. قازاقپارات - قىتايدا تۇراتىن لي يۋحونگ ءتورت جاسىندا جول اپاتىنىڭ كەسىرىنەن ەكى اياعىنان دا ايىرىلعان.

جاسى سەگىزگە كەلگەندە قولدارىن سۇيەپ اعاشتان جاسالعان وتىرعىش كومەگىمەن ءجۇرۋدى ۇيرەنە باستاعان. قازىر جاسى 37 گە كەلگەن لي 15 جىلدان بەرى اۋىلىنداعى ەمدەلۋشىلەردىڭ جاعدايىن جاساپ ءجۇر.

بۇل تۋرالى komtv.org حابارلايدى.

لي يۋحونگ قان قىسىمدى ولشەيدى. دارىگەر بولعان 15 جىلدان بەرى ءوزىنىڭ اعاش وتىرعىشتارى ارقىلى جاقىن ماڭداعى ەمدەلۋشىلەردىڭ بارىنە بارادى.

ول بالا كەزىندە-اق قوس اياعىنان ايىرىلىپ، تاعدىردىڭ تالكەگىنە ۇشىراعانىنا قاراماستان دارىگەر بولۋدى ارمانداپ ماقساتىنا جەتۋدى كوزدەگەن.

اقىرى وقۋعا ءتۇسۋ ءۇشىن ءوز اۋىلىنان كەتىپ، مەديتسينالىق كوللەدجگە ءتۇسىپ ونى 2000-جىلى ءبىتىرىپ شىعادى. ءبىر جىلدان سوڭ اۋىلىندا دارىگەر بولىپ جۇمىس ىستەي باستايدى.

ول ەلدىڭ وڭتۇستىك-باتىسىنداعى ۆاديان اتتى اۋىلدا تۇرادى. وزگەلەر ونى باتىر ساناسا دا، ول ءوزىن قاراپايىم ۇستاپ جۇمىسىن بەرىلىپ ىستەيدى.

ارينە، ءجۇرىپ-تۇرۋ وڭايعا تۇسپەيدى، ءبىراق، ءوزىنىڭ وزگەلەرگە كەرەك ەكەنىن سەزىنگەندە ءبارىن ۇمىتىپ كەتەدى.

لي كسينگ ەسىمدى ءوز اۋىلىنىڭ جىگىتىنە تۇرمىسقا شىققان. كسينگ ءتىپتى ءوز جۇمىسىن تاستاپ، قازىر تولىقتاي ليدىڭ قاسىندا بولىپ، وعان كومەكتەسەدى.

ءتىپتى ليدى كورشى اۋىلدارداعى ەمدەلۋشىلەرگە دە اپارىپ قايتادى.