15:26, 29 - ناۋرىز 2016 | GMT +5
الماتىدا سەبەپسىز قىمباتتاتقان 15 جانار- جاعارماي ستانساسىنا ايىپپۇل سالىندى
الماتى. قازاقپارات - الماتىدا 15 جانار- جاعارماي ستانساسىنا ايىپپۇل سالىندى. اتالعان نىسانداردا جانارماي قۇنىن نەگىزسىز كوتەرۋ دەرەگى انىقتالعان.
بۇل زاڭبۇزۋشىلىقتى ق ر ۇ ە م تابيعي مونوپوليانى رەتتەۋ جانە باسەكەلەستىكتى قورعاۋ كوميتەتىنىڭ دەپارتامەنتى بايقاعان.
اتاپ ايتقاندا، «گازپرومنەفت كازاحستان»، «Royal Petrol»، «اراۆاننا»، «اعاتاي» ج ش س جانارماي باعاسىن نەگىزسىز كوتەرگەن.
«بۇل ستانسالاردا اي-92 ماركالى بەنزين قالاداعى ورتاشا باعادان 17 تەڭگەگە ارتىق ساتىلعان. ستانسا جانە جشس باسشىلارىنا 140 ملن تەڭگە كولەمىندە ايىپپۇل سالىندى»، - دەدى ت م ر ب ق كوميتەتى دەپارتامەنتىنىڭ باسشىسى دينارا مۇقايەۆا.
اۆتور: گۇلميرا عوسمانالي
