ءۇي- كۇيسىز جۇرگەن ادام ءبىر تۇندە 15 مىڭ دوللارعا بايىدى

 استانا. قازاقپارات - لوندون اۋداندارىنىڭ بىرىندە ءۇي- كۇيسىز جۇرگەن ادام ءبىر ءتۇننىڭ ىشىندە 15 مىڭ دوللارعا بايىپ شىعا كەلدى.

ول مۇنداي بايلىققا ءبىر قىزعا كومەك قولىن سوزعاننان كەيىن جەتكەن. بۇل تۋرالى LifeNews سايتى حابارلايدى.

لوندوننان ميلتون- كينسقا جەتپەكشى بولعان 22 جاسار نيكول سەدجەبير پويىزعا كەشىگىپ قالادى. اقىرى امال جوق كوشەدە تۇنەۋىنە تۋرا كەلەدى. قىرسىققاندا ۇيالى تەلەفونىنىڭ دا قۋاتى ءبىتىپ، ءسونىپ قالادى. ول بولسا جەرگىلىكتى تۇرعىنداردى ءتىپتى تانىمايدى دەسە دە بولادى. نە ىستەرىن بىلمەي جۇرگەنىندە ول كوشەدە قايىرشى مارك ەسىمدى جىگىتتى كەزىكتىرەدى. مارك قىزدى ءوزىنىڭ لاشىعىنا تۇنەتىپ، تاڭەرتەڭ ونى پويىزىنا مىنگىزىپ سالادى. قوشتاسار كەزدە نيكول قۇتقارۋشىسىمەن سەلفيگە ءتۇسۋدى دە ۇمىتپاعان.

ۇيىنە جەتكەننەن كەيىن نيكول ارنايى پاراقشا اشىپ، الگى جىگىتكە كومەكتەسۋگە شاقىرادى. ول مارك ءۇشىن 11 مىڭ فۋنت (15,5 مىڭ دوللار) اقشا جيناي العان.

Stan.kz