اتىراۋدا ەكس-اكىم رىسقاليەۆتىڭ سىبايلاسى 15 جىلعا سوتتالدى

اتىراۋ. قازاقپارات - اتىراۋدا قىلمىستىق ىستەر جونىندەگى مامانداندىرىلعان اۋدانارالىق سوتتا «ستروي كونتاكت گرۋپپ» ج ش س- نىڭ بۇرىنعى ديرەكتورى ولەگ پاۆليچەنكوعا قاتىستى ۇكىم شىقتى.

ول 15 جىل قاتاڭ تارتىپتەگى تۇرمەدە جازاسىن وتەمەك.

«سوتتا «ستروي كونتاكت گرۋپپ» ج ش س باسشىسى بولعان كەزىندە و. پاۆليچەنكو اتىراۋ وبلىسى  قىزىلقوعا جانە قۇرمانعازى اۋداندارىنداعى ەلدى- مەكەندەرگە گاز تارتۋعا ارنالعان بيۋدجەت قاراجاتىن جىمقىرعانى انىقتالدى.

مەملەكەتكە 14 ميلليارد 994 ميلليون تەڭگە كولەمىندە زالال كەلتىرىلدى. اقشا باعالارى كوتەرىڭكى جالعان جوبالىق سمەتالىق قۇجاتتى دايىنداۋ ارقىلى ۇرلاندى. سونىمەن قاتار، جالعان فيرمالارمەن شارتتار جاسالدى، قىزمەت كورسەتۋ قۇنى جوعارى بولعان. سوت ۇكىمىمەن و. پاۆليچەنكو ق ر ق ك 235-بابى 3 -ءبولىمى، 176-بابى 4 -ءبولىمى بويىنشا ايىپتى دەپ تانىلدى. ول 15 جىلعا باس بوستاندىعىنان ايىرىلدى. جازاسىن قاتاڭ تارتىپتەگى تۇرمەدە وتەيدى. مۇلكى تاركىلەندى»، - دەپ حابارلادى وبلىستىق سوتتىڭ باسپا ءسوز قىزمەتىنەن.

بۇرىن حابارلانعانداي، كاسىپكەر و. پاۆليچەنكو وبلىستىڭ ەكس-اكىمى بەرگەي رىسقاليەۆپەن بايلانىستا بولعان، وعان حالىقارالىق ىزدەۋ جاريالاندى.