ق ر قارۋلى كۇشتەرىندە 15 مىڭنان اسا اسكەري قىزمەتشى مەملەكەتتىك ءتىلدى مەڭگەرىپ جاتىر - فوتو
2014-جىلى ونى 16056 ادام وقىپ، ۇيرەندى، دەپ حابارلادى ق ر قورعانىس مينيسترلىگىنىڭ باسپا ءسوز قزمەتىنەن.
«جىل سايىن سانى وزگەرىپ تۇراتىنىن ايتا كەتەيىك. سەبەبى، اسكەري قىزمەتشىلەر ءبىر دەڭگەيدەن باسقا دەڭگەيگە كوشىپ وتىرادى، ال تەرەڭدەتىلگەن كۋرستان وتكەندەر وقىپ، ۇيرەنۋدى اياقتايدى. دايىندىق ءۇش دەڭگەي بويىنشا وتكىزىلەدى. باستاۋىش، جالعاستىرۋشى جانە تەرەڭدەتىلگەن. 2015 وقۋ جىلىنىڭ قورىتىندىسى بويىنشا ق ر قورعانىس مينيسترلىگىنىڭ ورتالىق اپپاراتى مەن ق ر ق ك باس شتابى بولىمشەلەرىنىڭ 139 اسكەري قىزمەتشىسى مەن ازاماتتىق پەرسونالى 2015-جىلى قازاق ءتىلىن وقىپ، ۇيرەندى.
ونىڭ 125 ءى ەمتيحان تاپسىردى.
«قازاق ءتىلىن ۇيرەنۋ اسكەري قىزمەتشى ءۇشىن جانە قازاقستاننىڭ كەز كەلگەن ازاماتى ءۇشىن وتە ماڭىزدى. ءبىز كۇن سايىن قازاق تىلىندە قىزمەتتىك قۇجاتتار ازىرلەيمىز، مەملەكەتتىك ورگاندارمەن حات جازىسامىز. بۇل كاسىبي داعدىمىزدى ارتتىرۋ ءۇشىن جاقسى مۇمكىندىك»، - دەدى ق ر قورعانىس مينيسترلىگىنىڭ اسكەري قىزمەتشىسى، قاتارداعى جاۋىنگەر ەسەنيا ماركشتەدەر.
مەملەكەتتىك ءتىلدى وقىتۋ وفيتسەرلەر مەن قىزمەتكەرلەردى عانا ەمەس، سونىمەن بىرگە ق ر قارۋلى كۇشتەرىنىڭ باسشىلىق جانە كوماندالىق قۇرامىن قامتيدى. وسى جىلى جوعارى وفيتسەرلىك قۇرامنىڭ 337 وكىلى مەملەكەتتىك تىلدەن سىناق تاپسىردى. ونىڭ قورىتىندىسى بويىنشا ەمتيحان تاپسىرعانداردىڭ %82 ءوز بىلىمدەرىن راستادى. مەملەكەتتىك ءتىلدى دامىتۋ، ق ر ق ك اسكەري قىزمەتشىلەرى اراسىندا قازاقستاندىق پاتريوتيزمدى نىعايتۋ تاربيە-يدەولوگيالىق جۇمىستا ماڭىزدى ەلەمەنت بولىپ تابىلاتىنىن ايتا كەتەيىك. سونىمەن، جىل سايىن قورعانىس مينيسترلىگى اسكەري قىزمەتشىلەر اراسىندا مەملەكەتتىك ءتىلدى ءبىلۋ بويىنشا «ءتىل - تاتۋلىق تىرەگى» ون كۇندىگىن، «ءتىل شەبەرى» فەستيۆالىن وتكىزىپ تۇرادى. ق ر قورعانىس مينيسترلىگىنىڭ كومانداسى اسكەري قىزمەتشىلەر، قۇقىق قورعاۋ جانە ارنايى ورگانداردىڭ قىزمەتكەرلەرى اراسىندا وتكەن «ءتىل - تۇتاستىق كەپىلى» اتتى رەسپۋبليكالىق بايقاۋدىڭ باس جۇلدەسىن جەڭىپ الدى.
