10:19, 26 - قازان 2015 | GMT +5
نەبارى 15 جاستاعى مەكتەپ وقۋشىسى ءومىر بويى باس بوستاندىعىنان ايىرىلدى
استانا. قازاقپارات - بريتاندىق 15 جاستاعى مەكتەپ وقۋشىسى ءومىر بويىنا باس بوستاندىعىنان ايىرىلدى.
تەرگەۋ انىقتاعانداي، اتى اتالماي وتىرعان جاسوسپىرىم ينتەرنەت ارقىلى ون سەگىز جاستاعى سيەۆدەت بەسيم ەسىمدى اۆستراليالىق جيحادشىمەن بايلانىسقا شىققان.
ولار مەلبۋرندە اسكەري مەموريالدىڭ جانىندا وتەتىن شەرۋدە ءدىنارالىق كيكىلجىڭ ۇيىمداستىرۋعا ازىرلەنىپ جاتقاندىقتارى جايىندا حابارلاعان.
بريتاندىق ۇيىمداستىرۋشى ءرولىن اتقارسا، ال 18 جاستاعى اۆستراليالىقتىڭ ورىنداۋى كەرەك. سيەۆدەت بەسيم پوليتسەيلەرگە شابۋىل جاساۋى ءتيىس بولعان. ولار ەڭ كەمىندە پوليتسەيلەردىڭ بىرەۋىن كولىكپەن قاعىپ، قىلىشپەن باسىن شاۋىپ تاستاۋدى كوزدەگەن، دەپ حابارلايدى BBC.
