قازۇۋ عالىمدارى يدەال ەمەس پلازما فيزيكاسى بويىنشا وتەتىن 15- حالىقارالىق كونفەرەنسيادا ءوز زەرتتەۋلەرىن ۇسىنادى

الماتى. قازاقپارات- يدەال ەمەس پلازما فيزيكاسى بويىنشا وتەتىن 15 - حالىقارالىق كونفەرەنسياعا 30 ەلدەن 120 دان استام جەتەكشى ماماندار قاتىسادى.  
None
None

ال كونفەرەنسيا بۇگىن، 31 - تامىزدا ءال- فارابي اتىنداعى قازاق ۇلتتىق ۋنيۆەرسيتەتىندە بولادى، دەپ حابارلايدى اتالمىش جوعارى وقۋ ورنىنىنىڭ باسپا ءسوز قىزمەتىنەن.

قازاقستاندا مۇنداي تاقىرىپتاعى شارا تۇڭعىش رەت ۇيىمداستىرىلىپ وتىر. بۇعان دەيىن ول ا ق ش، گەرمانيا، رەسەي، يسپانيا، فرانسيا جانە يتاليا سىندى ەلدەردە بولعان. حالىقارالىق ۇيىمداستىرۋ كوميتەتىنىڭ مۇنداي جوعارى دارەجەدەگى عىلىمي فورۋمدى قازاقستاندا وتكىزۋ تۋرالى شەشىمى -  وتاندىق عالىمداردىڭ الەمدىك عىلىمعا قوسقان ۇلەستەرىن جوعارى باعالاعاندىعىن بىلدىرەدى.

شاقىرىلعان قوناقتاردىڭ ىشىندە پلازما فيزيكاسى بويىنشا ەسىمدەرى الەمگە ايگىلى كلاسسيك عالىمدار بار. ولار:   ۆەرنەر ەبەلينگ جانە گەرد رەپكە (گەرمانيا)، دويچ كلود (فرانسيا)،   گابور كالمان (ا ق ش)، وسامۋ يشيحارا (جاپونيا). كونفەرەنسيانىڭ قۇرمەتتى قوناعى - رەسەي عىلىم اكادەمياسىنىڭ پرەزيدەنتى، فيزيكا- ماتەماتيكا عىلىمدارىنىڭ دوكتورى، پروفەسسور ۆلاديمير فورتوۆ. ول پلەنارلىق وتىرىستا بايانداما جاسايدى.

فورۋمنىڭ ماڭىزدىلىعى وتە جوعارى. ويتكەنى، كوپتەگەن زاماناۋي جوعارى تەحنولوگيالىق وندىرىستەر پلازمالىق تەحنولوگياعا نەگىزدەلگەن (چيپتەر ءوندىرىسى، ميكرو جانە نانوتەحنولوگيا، يادرولىق جانە تەرمويادرولىق ەنەرگەتيكا، عارىش تەحنولوگياسى جانە تاعى باسقالار ) . ولاردىڭ عىلىمي نەگىزى،  ارينە پلازما فزيكاسى.

ايتا كەتەلىك، «تومپسون رويتەرس» دەرەكقورىنىڭ مالىمدەمەسىنە سايكەس، پلازما فيزيكاسى سالاسىندا ەڭبەك ەتەتىن قازاقستاندىق عالىمداردىڭ  الدىڭعى قاتارلى الەمدىك عىلىمي باسىلىمداردا جاريالانعان ەڭبەكتەرىنە كۇنى بۇگىنگە دەيىن شەتەلدىك عالىمدار تاراپىنان 2 مىڭنان اسا سىلتەمە جاسالىپتى. بۇل ۇلكەن كورسەتكىش، - دەيدى ماماندار.  

 اۆتور:   جاپپاربەرگەن ايبوتا

سوڭعى جاڭالىقتار