و ق و- دا 15 جاستاعى بالىقشىنى ءبىر تاۋلىكتەن استام ۋاقىت بويى ىزدەپ جاتىر - كەسكىن
و ق و ت ج د قۇتقارۋ جاساعىنىڭ رەسمي وكىلى پاۆەل ۆيشەنين ءمالىم ەتكەندەي، بۇل تۋرالى حابار بايدىبەك اۋدانىنان 9- شىلدەدە كۇندىز كەلىپ تۇسكەن.
«قوڭىراۋ شالعاندار 2000-جىلى تۋعان جەتكىنشەك 8- شىلدەدە بالىق اۋلاۋعا شىعىپ، ۇيىنە ورالماعانىن ايتقان. ول بايدىبەك اۋدانى اقتاس اۋىلىنىڭ تۇرعىنى ەكەنى بەلگىلى. قۇتقارۋ جاساعىنىڭ جەكە قۇرامى جوعالعان ازاماتتى ىزدەۋدە»، - دەدى پاۆەل ۆيشەنين.
باستاپقىدا جاس بالىقشىنى قۇتقارۋ جاساعىنىڭ 8 وكىلى، 10 پوليتسەي جانە 50 جەرگىلىكتى تۇرعىن ىزدەگەن. ولار 4 توپقا ءبولىنىپ، بىرنەشە ساعات بويى بورالداي وزەنىنىڭ جاعالاۋى مەن شاتقالىن تەكسەرگەن. بىرەۋلەر جاياۋ، ەندى بىرەۋلەر اتقا ءمىنىپ ىزدەگەن. تۇندە ىزدەۋ توقتاتىلىپ، تاڭعى ساعات 6 دا قايتا باستالدى.
كەشە قوسىمشا توپ بالىقشى جوعالعان ورىنعا جەتتى. ىزدەۋ جاساعىنا 7 قۇتقارۋشى مەن 1 كينولوگ قوسىلدى.
ازىرگە ىزدەۋ جۇمىستارى ەش ناتيجە بەرمەي وتىر.
