الماتىدا 15 جاسقا دەيىنگى بالالار مەترومەن تەگىن قاتىنايتىن بولدى

استانا. قازاقپارات - الماتىدا 15 جاسقا دەيىنگى بالالار مەترومەن تەگىن قاتىنايتىن بولدى، - دەپ حابارلايدى Tengrinews.kz ءتىلشىسى «مەتروپوليتەن» ك م ك- نىڭ باسپا ءسوز قىزمەتىنە سىلتەمە جاساپ.

الايدا مۇنداي مۇمكىندىك تەك ءبىر كۇن عانا بەرىلەدى.

باسپا ءسوز قىزمەتىنىڭ مالىمەتىنشە، «مەتروپوليتەن» وسىلايشا 1 -ماۋسىم حالىقارالىق بالالاردى قورعاۋ كۇنىنە وراي كىشكەنتاي جولاۋشىلارعا سىيلىق جاساماقشى.

«حالىقارالىق بالالاردى قورعاۋ كۇنىنە وراي، 1 -ماۋسىم كۇنى الماتى قالاسى مەتروپوليتەنىندە 15 جاسقا تولماعان بالالاردىڭ جول ءجۇرۋى تەگىن بولادى»، - دەلىنگەن حابارلامادا.

ەسكە سالا كەتەيىك، بۇعان دەيىن الماتىدا ەكى جاڭا مەترو ستانسياسىنىڭ اشىلعانى حابارلانعان بولاتىن. ايتا كەتەيىك، 2012 -جىلى تاۋلىگىنە جولاۋشىلار اعىمى 15-16 مىڭ ادام بولسا، ال 2014 -جىلى بۇل كورسەتكىش 24-25 مىڭ ادامعا دەيىن ۇلعايدى. ۇكىمەتتەگىلەر جاڭا ستانسيالار اشىلعاننان كەيىن تاۋلىگىنە جولاۋشىلار اعىمىنىڭ ەكى ەسە كوبەيەتىنىن ايتىپ وتىر.