07:46, 01 - ماۋسىم 2015 | GMT +6
بريتاندىق عالىمدار: 15 جىلدان كەيىن ادامزات جويىلادى
استانا. قازاقپارات - ۇلى بريتانيا عالىمدارى ادامزات ساناۋلى جىلداردان كەيىن جەر بەتىنەن جويىلاتىنى تۋرالى مالىمدەمە جاريالاعان.
عالىمداردىڭ پىكىرىنشە، الەمدىك ەكونوميكا كەز كەلگەن ساتتە قيراۋى مۇمكىن. ادامگەرشىلىك پەن نامىس سەزىمى ەكىنشى پلانعا ءوتىپ، ساياساتكەرلەر پايدا تابۋعا ارەكەت جاسايدى، بۇل ودان دا كۇردەلى قارجىلىق داعدارىستارعا اكەلىپ سوقتىرۋى مۇمكىن.
سونداي-اق ادامزات ۇنەمى سوعىسۋدا، بۇل ءولىم دەڭگەيىنىڭ ارتۋى مەن بالا تۋۋدىڭ ازايۋىنا اكەلىپ سوقتىرادى. بۇدان باسقا، زەرتتەۋشىلەر ەكولوگيالىق فاكتور مەن كليماتپەن بايلانىستى پروبلەمالاردى ەسكە سالدى.
سونىڭ قورىتىندىسىندا لوندون عىلىمي- زەرتتەۋ ينستيتۋتىنىڭ زەرتتەۋشىلەرى ادامزات تاعدىرى جاقىن 15 جىلدا شەشىلۋى مۇمكىن دەگەن قورىتىندى جاسادى، دەپ جازادى «روسسييسكايا گازەتا».