شىمكەنتتە 15 جاستاعى مەكتەپ وقۋشىسىنان تاپانشا تاركىلەندى

شىمكەنت. قازاقپارات - شىمكەنتتە 15 جاستاعى مەكتەپ وقۋشىسىنان تاپانشا تاركىلەندى.

«مۇعالىم ەڭبەكشى اۋداندىق پوليتسيا بولىمىنە وقۋشىسى كوشەدەن تاپانشا تاۋىپ العانىن حابارلاعان»، - دەپ مالىمدەدى و ق و ءى ى د باسپا ءسوز قىزمەتىنەن.

اتالمىش فاكتى بويىنشا ق ر ق ك 287-بابى بويىنشا سوت الدى تەرگەۋ جۇرگىزىلۋدە.

9-سىنىپتىڭ 15 جاستاعى وقۋشىسى پوليتسەيلەرگە تاپانشانى ءوز ەركىمەن بەردى. بالا ونى قوقىس جاشىگىنەن تاۋىپ الىپ، ۇيىنە جاقىن جەرگە تىعىپ قويعانىن ايتتى. پوليتسەيلەر انىقتاعانداي، بۇل - «بايكال» پنيەۆماتيكالىق تاپانشاسى.

بۇدان باسقا، ءتىنتۋ بارىسىندا وقۋشىنىڭ سومكەسىنەن تاعى ءبىر تاپانشا تابىلدى، بۇل ويىنشىق بولىپ شىقتى. ەكەۋى دە تاركىلەنىپ، ساراپتاما تاعايىندالدى.