تۇرىك پوليتسياسى 15 - اقپاندا ۇيىمداستىرىلماق بولعان لاڭكەستىك وقيعانىڭ الدىن الدى
استانا. قازاقپارات - كەشە تۇندە تۇركيانىڭ شانلىۋرفا قالاسىنىڭ ۆيرانشەحير اۋدانىندا جۇرگىزىلگەن ارنايى وپەراتسيا بارىسىندا پوليتسيا كوپ مولشەردە قولدان جاسالىنعان جارىلعىش زاتتار مەن جانعىش قوسپاسى بار شولمەكتەردى تاركىلەدى، دەپ جازادى khabar.kz.
بۇل وقيعاعا قاتىستى كۇردىستاننىڭ جۇمىسشى پارتياسىمەن بايلانىسى بار 4 ادام ۇستالىپ، جەرگىلىكتى پوليتسيا بولىمشەسىنە جەتكىزىلدى. تەرگەۋ بارىسىندا ولار پارتيانىڭ قۇرۋشىسى جانە رۋحاني كوسەمى ابدۋللا ودجالاننىڭ 1999 - جىلى 15 - اقپاندا ءومىر بويى باس بوستاندىعىنان ايرىلعان كۇنىنە وراي مەملەكەتتىك مەكەمەلەرگە لاڭكەستىك شابۋىل جاساماق بولعاندىعىن مويىندادى.
قازىر قۇقىق قورعاۋ ورگاندارى بۇل ىسكە تاعى كىمدەردىڭ قاتىسى بار ەكەندىگىن انىقتاۋدا.
