11:52, 11 - قاڭتار 2015 | GMT +5
ون جاسار جانكەشتى قىز 15 ادامدى اجال قۇشتىردى
استانا. قازاقپارات - نيگەريانىڭ سولتۇستىك- شىعىسىنداعى مايدۋگۋري قالاسىنداعى بازاردا بولعان قۋاتتى جارىلىستان 15 تەن كەم ەمەس ادام اجال قۇشتى.
ب ا ق حابارلاۋىنشا، جارىلعى قۇرىلعىسىن 10 جاستاعى قىز ىسكە قوسقان. ازىرگە بۇل وقيعاعا بايلانىستى ەشكىم جاۋاپكەرشىلىكتى موينىنا الىپ وتىرعان جوق.
دەگەنمەن، راديكالدى «بوكو حارام» يسلامشىلار توبى مۇشەلەرىنە كۇدىك كەلتىرىلۋدە. ويتكەنى، سوڭعى جىلدارى نيگەريادا ورىن العان شابۋىلداردىڭ باسىم بولىگىن وسى توپتىڭ سودىرلارى جاساعان، دەپ حابارلايدى بي بي سي.
