سۋتەگى قوزعالتقىشى بار الەمدەگى العاشقى اۆتوموبيل 15- جەلتوقساننان باستاپ ساتىلىمعا تۇسەدى

استانا. قازاقپارات - «نيككەي سيمبۋن» گازەتىنىڭ حابارلاۋىنشا، ەۋروپا مەن ا ق ش-تا بۇل ماشينانى كەلەر جىلدىڭ جازىندا-اق ساتىپ الۋعا بولادى.

جاپونيادا Toyota ەل ۇكىمەتىنىڭ كولىكتى ساتىپ العان ءاربىر ادامعا 17 مىڭ دوللار كولەمىندە سۋبسيديادى ءبولۋدى ۋادە ەتۋىنىڭ ارقاسىندا جىلدىڭ سوڭىنا دەيىن شامامەن 400 Mirai-دى ساتپاقشى.

كومپانيانىڭ مالىمەتتەرىنشە، Mirai قوزعالتقىشىنىڭ جۇمىسى تەك سۋمەن جۇزەگە اسىرىلادى: اتموسفەراعا ەشقانداي زيان قالدىقتار شىعارىلمايدى. اۆتوموبيلدىڭ باگىنا سۋتەگى وتىنى ءۇش مينۋتتا تولىق تولتىرىلادى. بۇل شامامەن 650 شاقىرىمدىق جولعا جەتەدى، وتىن ءبىر شاقىرىمعا ەسەپتەگەندە شامامەن 10 يەندى ($0,09) قۇرايدى.

كەلەسى جىلى تاعى ءبىر جاپونيالىق فيرما - Honda وسىنداي اۆتوموبيلدى شىعارۋدى جوسپارلاپ وتىر. كۇتىلىپ وتىرعانداي، ونىڭ باعاسى Mirai باعاسىمەن بىردەي بولماق.