حالىقارالىق «شابىت» فەستيۆالىنىڭ باس سىيلىعى - پرەزيدەنت كۋبوگىن 15 جاستاعى كومپازيتور جەڭىپ الدى
استانا. قازاقپارات - كەشە استانادا XVII حالىقارالىق «شابىت» شىعارماشىل جاستار فەستيۆالىنىڭ جەڭىمپازدارىن اتادى. باس سىيلىق - قازاقستان رەسپۋبليكاسى پرەزيدەنتىنىڭ كۋبوگىن 15 جاستاعى كومپازيتور راحات بي ءابدىساعين جەڭىپ الدى.
«ايتا كەتۋ كەرەك، راحات بي ءابدىساعين «شابىت» فەستيۆالىنە قاتىسۋشى ەڭ جاس ونەرپاز»، دەيدى ۇيىمداستىرۋشىلار.
ەسكە سالا كەتەيىك، فەستيۆال 2014-جىلدىڭ 3-8- قاراشا ارالىعىندا استانادا ءوتتى.
بيىلعى «شابىت» XVII حالىقارالىق ونەرلى جاستار فەستيۆالىنىڭ ەرەكشەلىگى ۇيىمداستىرۋشى كوميتەتىنىڭ شەشىمى بويىنشا، «ۇلتتىق مۋزىكا» جانە «كامەرالىق حور» نوميناتسيالارى قوسىلدى.
