دۋبايدا 15 جىل بۇرىن كىسى ولتىرگەن قازاقستاندىق قىز كەشىرىم سۇراپ جاتىر

استانا. قازاقپارات - دۋبايدا 15 جىل بۇرىن جەڭگەتاي ايەلدى ولتىرگەنى ءۇشىن ءومىر بويىنا باس بوستاندىعىنان ايىرىلعان قازاقستان مەن وزبەكستان ازاماتشالارى وزدەرىنە كەشىرىم بەرۋدى جانە مەرزىمىنەن بۇرىن بوساتۋدى سۇراپ، تاعى دا ءوتىنىش ءبىلدىردى، - دەپ حابارلايدى Gulfnews.com.

بىرىككەن اراب امىرلىكتەرىنە وڭاي تابىس تابۋعا كەلگەن ەكى قىز 1998-جىلى ءوز جەڭگەتايلارىن ولتىرگەن. ولار ايەلگە پىشاق سالىپ، مايىتكە جانارماي قۇيادى دا، ورتەپ جىبەرەدى. كەيىن ورتەنگەن سۇيەكتى پاكەتكە سالىپ، قالا سىرتىنا اپارىپ تاستايدى. جەڭگەتايدىڭ ءولىمىن تەرگەۋ ەكى جىلعا جۋىق ۋاقىتقا سوزىلدى.

2000-جىلى قىزدار ءومىر بويىنا باس بوستاندىعىنان ايىرىلدى، ولار دۋبايداعى ورتالىق تۇرمەدە جازا وتەپ جاتىر. باسىلىمنىڭ حابارلاۋىنشا، بۇل ىسكە يوردانيالىق ءبىر ەر ادامنىڭ دا قاتىسى بار، ول دا كىسى ولتىرگەنى ءۇشىن سوتتالعان. ءبىر جىل بۇرىن قىزدار دۋبايدا العاشقى ينستانتسياداعى سوتتان كەشىرىم جاساۋدى سۇرادى، 2013-جىلدىڭ شىلدە ايىندا سوت ءوتىنىشى قاناعاتتاندىرمادى. ايتا كەتەيىك، ب ا ءا زاڭدارى بويىنشا كەشىرىم سۇراۋعا ءوتىنىش بەرۋ ءۇشىن سوتتالعاندار كەمىندە 15 جىل جازا وتەۋى كەرەك. قىزداردىڭ كەزەكتى وتىنىشىنە قاتىستى شەشىمدى سوت ەندى 2014-جىلدىڭ قازان ايىندا قابىلدايدى.

Tengrinews.kz