تۇنگى كلۋبتا اتىس بولىپ، 15 ادام جارالاندى

استانا. قازاقپارات - بەلگىسىز بىرەۋلەر ماياميدە (فلوريدا شتاتى) تۇنگى كلۋبتاردىڭ بىرىندە وق جاۋدىردى. جەرگىلىكتى پوليتسيا وكىلدەرىنىڭ حابارلاۋىنشا، 11 مەن 25 جاس ارالىعىنداعى 15 ادام جارالانعان.

بۇل كەلەڭسىز جاعدايعا نە سەبەپ بولعانى ازىرگە بەلگىسىز. ءتارتىپ ساقشىلارى وق اتقانداردىڭ قانشا ادام ەكەندىگىن، نەلىكتەن تۇنگى كلۋبتا جاسوسپىرىمدەر مەن بالالاردىڭ كوپ بولعاندىعىن بىلمەككە ارەكەت جاساۋدا. زارداپ شەككەندەر اۋرۋحاناعا جەتكىزىلدى. دارىگەرلەردىڭ سوزدەرىنە قاراعاندا، جارالانعانداردىڭ ءبىرىنىڭ جاعدايى اسا اۋىر.