كەز كەلگەن جىگىتتىڭ جىنىنا تيەتىن 15 ارەكەت
ءبىز وزگەلەردىڭ قاتەلىگىندە ۇيرەنىپ، بارلىق جىگىتتەرگە ۇنامايتىن قىزدار ايتاتىن سوزدەردىڭ ءتىزىمىن جاساپ كوردىك.
ەگەر تومەندە كەلتىرىلگەن «قارا تىزىمنەن» ءوزىڭدى كورسەڭ، ءوزىڭنىڭ ءىس-ارەكەتىڭە نازار اۋدارۋدى ۇسىنامىز.
الەۋمەتتىك جەلىلەردەگى «كوپ ءماندى» جازبالار
«ەگەر قىز پەرىشتە بولعانىن قالاساڭ، وعان جۇماقتاي جاعداي جاسا» سىندى قارابايىر سوزدەر جىگىتتەردىڭ العاشىندا كۇلكىسىن كەلتىرەدى، ال كەيىن ءتىپتى جىنىنا تيەدى. ەگەر ونىڭ ساعان جىلى قاباق تانىتا قاراعانىن قالاساڭ، پاراقشاڭداعى سۋرەتتەر مەن فرازالار ساعان كومەكتەسە المايدى. جىگىتتەر مۇنداي «اقىلدى» سوزدەردى كوپ پايدالانبايتىنىن ءوزىڭ بايقاعان شىعارسىڭ؟
جىگىتتەرمەن وتىرىك بولسا دا كۇرەسپە، توبەلەسپە
كوپتەگەن قىزدار جىگىتىن شىمشىپ العاندى نەمەسە نازىك دورەكىلىكپەن ۇرعاندى جاقسى كورەدى. جىگىتتەرگە بۇل قالجىڭ ۇنامايدى ەكەن، ويتكەنى ا) بۇل اۋىرتادى، ب) ولار جاۋاپ قايتارا المايدى، ال كەيدە بۇل ءتىپتى ورىندى بولار ەدى.
قىسقا جاۋاپ بەرىپ، جىگىتتىڭ اڭگىمەنى جالعاستىرمايتىنىنا رەنجىمە
ەگەر ۇزاق حابارلاماعا بار-جوعى «جارايدى» نەمەسە «كۇلكىلى» دەپ جاۋاپ بەرسەڭ، ول قۇلشىنىسپەن حات الماسۋدى جالعاستىرادى دەپ كۇتپە. ەگەر جىگىت ساعان ءاردايىم حات جازعانىن قالاساڭ - اڭگىمەنىڭ جالعاسۋىنا ىقپال ەت، قىزىقتىراتىن اڭگىمە ايت. نەمەسە، بايسالدى كەيىپ تانىتىپ جۇرگەندە ول سوزشەڭ باسقا بىرەۋدى تاۋىپ الار.
«بۇل ءۇشىن ءالى جاۋاپ بەرەسىڭ!»
ەگەر ۇرىستان كەيىن ونى كەشىرسەڭ، وندا كەز كەلگەن ءساتتى پايدالانىپ، جىبەرگەن قاتەلىگىن بەتىنە باسا بەرۋدى دوعار. سەن كەشىردىڭ عوي، دەمەك ول تاقىرىپتى تۇبەگەيلى جابۋ كەرەك. ەگەر قاتتى رەنجىتسە كەشىرمەۋ كەرەك ەدى. وتكەن وقيعاعا قايتا ورالساڭ ونىڭ كىناسىن مويىنداتام دەپ ويلاما، كەرىسىنشە ءوزىڭدى بەيمازا ادام رەتىندە كورسەتەسىڭ.
«وعان سونشا قارادىڭ عوي!»
جىگىت سۇلۋ قىزعا قارادى ەكەن دەپ ونىمەن جاۋلاسۋدىڭ قاجەتى جوق. اسىرەسە ول قىز - اكتريسا نەمەسە تانىمال مودەل بولسا. بۇل سەنىڭ وزىڭە سەنىمسىز ەكەنىڭدى كورسەتەدى. سوندىقتان جىگىتكە باسقا قىزدارعا قاراۋعا شەك قويۋ دۇرىس ەمەس، اسىرەسە ەگەر ءوزىڭ دە كەي كەيدە سىمباتتى جىگىتتەرگە تامساناتىن بولساڭ.
«مەن تولىقپىن با؟ »
«جوق، تورت جەمەيمىن. ونسىز دا تولىقپىن». ەگەر جىگىتىڭە ءاردايىم وسى سوزدەردى ايتا بەرسەڭ، ءبىر كۇنى ول سەنىمەن كەلىسۋى دە مۇمكىن، ويتكەنى ولاي ەمەس ەكەنىن ايتۋدان جالىعادى. وعان كومپلەكستەرىڭدى كورسەتپە، جىگىتتەرگە وزىنە سەنىمدى قىزدار ۇنايدى.
«تۇسىمدە سەن كوزىمە ءشوپ سالىپ ءجۇرسىڭ»
تۇسىندە جىگىتىن باسقا قىزبەن كورىپ، وڭىندە رەنجيتىن قىزدار تابىلادى. ءيا، جامان ءتۇس ەكەنى راس. مۇنداي جاعداي ورىن العاندا وعان رەنجىگەنىڭدى بىلدىرتپەۋ كەرەك. جىگىتتەر ونسىز دا ءبىزدىڭ ورىنسىز وكپەلەۋىمىزدى تۇسىنە بەرمەيدى، ال «تۇسىمدە سەن مەنىڭ كوزىمە ءشوپ سالىپ ءجۇرسىڭ» دەگەن وكپەڭنەن مۇلدە «جارىلۋى» مۇمكىن.
جاۋابىن بىلگىڭ كەلمەيتىن سۇراقتاردى قويما
كەيبىر سۇراقتارعا دۇرىس جاۋاپ بەرۋ مۇمكىن ەمەس. ودان دجەسسيكا البا ادەمى مە دەپ سۇراۋدىڭ قاجەتى جوق. ادەمى دەۋى ابدەن مۇمكىن. ال سەن بۇل جاۋابىنا كوڭىلىڭ تۇسەتىنى انىق. قانداي سۇراق بولسا، سونداي جاۋاپ. سوندىقتان ءوزىڭدى اقىماق جاعدايعا قويما.
ونىمەن شەكتەن تىس مايموڭكەلەسۋدىڭ قاجەتى جوق
شىنىمەن، ولار مىسىقتىڭ بالاسى نەمەسە تومپاق ءۇش جاسار بالا ەمەس قوي؟ وعان سىيلاستىقپەن قاراساڭ باعاڭ ارتادى.
ەكىجۇزدىلىك
جىگىتتەر قىزدىڭ ونىمەن قىلىمسي سويلەسىپ، ال باسقالارمەن دورەكى سوزگە كوشكەنىن بىردەن بايقايدى. بۇل ەكىجۇزدىلىك بەلگىسى رەتىندە قابىلدانىپ، جيىركەنىشتى كورىنەدى. ەگەر جىگىتىڭ ءۇشىن سۇيكىمدى، يناباتتى قىزعا اينالماق بولساق، بارىمەن سونداي قارىم- قاتىناستا بول.
ول ۇندەمەي وتىرعان سايىن «نە ويلاپ وتىرسىڭ؟» دەپ سۇراي بەرمە
ەگەر جىگىتىڭ ۇندەمەي وتىرسا، دەمەك ويىندا الەمدى باسقارۋعا باعىتتالعان قاھارلى جوسپار قۇرىپ جاتىر دەگەن ءسوز ەمەس. كوبىنە ولار ەشقانداي ارتىق ويسىز ۇندەمەي وتىرادى، ال ءبىز سول «اۋىر ويدىڭ» استارىنان كوپتەگەن سەبەپ ىزدەيمىز. ادامنىڭ ويىن باسقارۋعا تىرىسپاۋ كەرەك، ادامنىڭ جەكە كەڭىستىگى بولۋىنا رۇقسات ەت.
«بارلىق جىگىتتەر بىردەي!»
«بارلىق جىگىتتەر بىردەي، ءبارىنىڭ ويى بۇزىلعان!» - دەگەن سوزدەردى وڭاي ايتا سالامىز. ال بۇل سوزدەر ولاردىڭ كوڭىلىنە ءتيۋى مۇمكىن ەكەنىن ويلانبايمىز. ولار دا ادام جانە ءار قىز ونىڭ قىزىعۋشىلىعىن تۋدىرىپ، ۇناتا بەرۋى مۇمكىن ەمەس. سوندىقتان جىگىتتى بۇلاي ايىپتاۋدى دوعار.
ءپاسسيۆتى - اگرەسسيۆتى ارەكەت
ەگەر جىگىتىڭنەن بىردەڭە قاجەت بولسا، وندا قالاۋىڭدى تىكەلەي سۇرا. ەگەر بىردەڭە ۇناماي تۇرعانى تۇرىڭنەن كورىنىپ تۇرسا، ال ونىڭ نە بولدى دەگەن سۇراعىنا «ەشتەڭە» دەپ جاۋاپ بەرسەڭ، بۇل ولاردىڭ جۇيكەسىنە تيەدى. بۇلاي سەن ەشتەڭەگە جەتپەيسىڭ، جانە ونىڭ دا كوڭىل كۇيىن تۇسىرەسىڭ.
دوسىم...
ەگەر ونىمەن كەزدەسۋدى قالاماساڭ، وندا ونىڭ باسقا قىزدارمەن كوڭىل كوتەرىپ جۇرگەنىنە اشۋلانبا، ول بۇعان تولىق قۇقىلى. ەگەر سەن ونى دوستار قاتارىنا قوسىپ قويساڭ، ول دا سەنى دوس رەتىندە كورە باستايدى.
نە ويلاپ، نە سەزەتىنىڭدى ايتىپ ءجۇر
ەگەر ونىڭ قاندايدا ءبىر قىلىعى ۇناماسا ءبارى جاقسى دەپ وتىرىك ايتپا. ەگەر ول سەنىمەن كەزدەسۋدىڭ ورنىنا دوستارىمەن فۋتبولعا بارماق بولسا، بۇل ساعان ۇنامايتىنىن ايت. ەگەر ءوزىڭ كەلىسىپ، جىبەرسەڭ، وندا رەنجىمە. ونىڭ ويىندا تەك ءوزى كەلىستى عوي دەگەن وي عانا تۇراتىن بولادى.
دايىنداعان: انار مۇستافين
massaget.kz
