ەكولوگيالىق زاڭدىلىقتى بۇزىپ، 159 ميلليوننان استام تەڭگە زالال كەلتىرگەن باسشىلاردىڭ ءىسى سوتتا قارالۋدا - ب ق و

ورال. قازاقپارات - ءبورلى اۋداندىق سوتىندا «گرين اكساي» ج ش س- نىڭ بۇرىنعى باسشىلارى د. ساحىم مەن ە. باقتيارعا قاتىستى ق ر ق ك 228 جانە 278-بابى بويىنشا (1997 -جىلعى رەداكسيادا) قىلمىستىق ءىس قارالۋدا.

ءبورلى اۋدانى پروكۋراتۋراسىنان تۇسكەن مالىمەتكە قاراعاندا، اتالعان باسشىلار 2012-2013 -جىلدارى قاۋىپتى قالدىقتاردى ورنالاستىرۋعا قاتىستى ەكولوگيالىق زاڭدىلىقتى بۇزعان. اتاپ ايتقاندا، د. ساحىم مەن ە. باقتيار «كازبۋرگاز» ا ق- مەن مۇناي قالدىقتارىن قابىلداۋ جانە جويۋ قىزمەتىن كورسەتۋ جونىندە كەلىسىم- شارتقا وتىرىپ، اۆتوكولىكتەر جالداعان.

سودان كەيىن ءىرى كولەمدەگى مۇناي قالدىقتارىن ءبورلى اۋدانى قىزىلتال اۋىلدىق وكرۋگىندەگى اۋىل شارۋاشىلىعى ماقساتىنداعى جەرگە، سونداي-اق وزگە دە انىقتالماعان ورىندارعا زاڭسىز توككەن. ءسويتىپ ولاردىڭ زاڭسىز ءىس- ارەكەتتەرى سالدارىنان قورشاعان ورتاعا 159 ميلليون استام تەڭگە زالال كەلتىرىلگەن.

اۆتور: ەلجان ەرالى